QazVac-tyń tıimdiligi dáleldendi - Qasym-Jomart Toqaev
2021 jylǵy 17 qyrkúıek 13:21

QazVac-tyń tıimdiligi dáleldendi - Qasym-Jomart Toqaev

NUR-SULTAN. QazAqparat – QazVac vaktsınamyz syn tezinen laıyqty ótti. Bul týraly Dýshanbedegi Shanhaı yntymaqtastyq uıymyna múshe memleketter basshylary keńesiniń otyrysynda Qazaqstan Prezıdenti Qasym-Jomart Toqaev málim etti, dep habarlaıdy QazAqparat tilshisi.

«Koronavırýspen kúres bizdiń kúntártibimizdegi ózekti taqyryptardyń biri bolyp qalyp otyr. Pandemııanyń eń qıyn kezeńinde ShYU boıynsha áriptester shyndyǵynda yntymaqtastyqtyń «Shanhaı rýhyn» tanytqanyn zor qýanyshpen atap ótemin. Osy rette ózara gýmanıtarlyq kómek kórsetildi. Pandemııaǵa qarsy is-qımylda batyl betburys halyqty jappaı ımmýndaýǵa úılestirilgen qadam jaǵdaıynda ǵana múmkin bolady», - dep toqtaldy Qazaqstan Prezıdenti.

Osy oraıda Memleket basshysy kómekke muqtaj taraptardy eleýsiz qaldyrýǵa bolmaıtynyn qadap aıtty. Bul turǵyda Qazaqstannyń salmaqty usynystary bar.

«QazVac vaktsınamyz syn tezinen laıyqty ótti. Klınıkalyq synaqtar onyń tıimdiligin dáleldedi. Biz preparatty gýmanıtarlyq kómek retinde kórshiles elderge jetkize bastadyq», - dedi Q. Toqaev.

Osy oraıda Prezıdent qazaqstandyq taǵy eki ǵylymı ázirlemeler, ıaǵnı NARUVAX C-19 pen NARUVAX C-19 NANO koronavırýsqa qarsy kandıdat vaktsına retinde Dúnıejúzilik densaýlyq saqtaý uıymynyń reestrine engizilgenin aıtty. Sonymen qatar Memleket basshysy ShYU elderinde vaktsınalaý pasporttaryn ózara taný rásimderiniń jyldamdatylýy memleketter tap bolǵan qıyndyqtar men qaterlerdi eńserýge yqpal etetinine senimdi ekenin atap ótti.

Uqsas jańalyqtar
Seriktester jańalyqtary

Jańalyqtar

Úrdis

MURAǴAT