+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Qazaqstan telearnasy kún boıy Abaıǵa arnalǵan baǵdarlamalar usynady

2020 jylǵy 9 tamyz 17:49
Bólisińiz:
Qazaqstan telearnasy kún boıy Abaıǵa arnalǵan baǵdarlamalar usynady

NUR-SULTAN. QazAqparat - Qazaqstan ulttyq telearnasy 10 tamyzda bir kún boıy Abaı kúnine arnalǵan baǵdarlamalar usynady, dep habarlaıdy QazAqparat tilshisi.

Uqsas jańalyqtar
Abaı mereıtoıy: Nur Otan men Jas Otan 350-den astam is-shara ótkizdi Atyraý garnızonynyń sarbazdary Abaı shyńyna tý tikti Estonııada Abaı men ál-Farabıge arnalǵan poshta markalary jaryqqa shyqty

«Qazaqstan» teleradıokorporatsııasy 10 tamyz - Abaı kúnine oraı birqatar jańa telejobalar ázirledi. Ulttyq arna 10 tamyzda 12 saǵat efırin Abaı murasyna arnasa, uly oıshyl atymen qurylǵan «Abai tv» arnasy Abaıdyń qundy muralaryn dáripteýge baǵyttalǵan jobalardy bir kún boıy, úzilissiz kórsetedi«, - delingen telearna baspasóz qyzmeti taratqan aqparatta.

«Qazaqstan» telearnasynyń tańǵy efıri 06:40-ta Abaıdyń 175 jyldyq mereıtoıynyń ashylýyna arnalǵan «Qazaq halqy – Abaıdyń halqy» jobasymen bastalyp, 08:00-de eki saǵat boıy tikeleı efırdegi «Tańsholpan» tańǵy aqparattyq-sazdy baǵdarlamasymen jalǵasady. Baǵdarlamaǵa Abaıdyń jıenshary Láılá Muqlısqyzy qatysady. Sonymen qatar Jıdebeıdaǵy Abaı mýzeı-úıinen tikeleı baılanys ornatylady.

Caǵat 13:30-da abaıtanýshy, ǵalym Mekemtas Myrzahmetovtiń «Nur Tileý» baǵdarlamasyna bergen suhbaty, 14:00-de aqynnyń urpaǵy Turaǵul Abaıuly týraly «Beımálim Alash» derekti fılmi kórsetiledi.

Ulttyq arna efırinen kúzgi maýsymǵa josparlanǵan qoǵam qaıratkeri, QR Parlamenti Májilisiniń depýtaty Bekbolat Tileýhan júrgizetin «Abaıdyń joly» jańa jobasy da Abaı kúninde saǵat 17:45-te alǵashqy shyǵarylymyn usynady. Baǵdarlama hákim Abaıdyń tereń de aýqymdy shyǵarmalaryn búgingi oqyrmanǵa jatyq, qarapaıym tilmen túsindiredi. Joba Abaı óleńderi men qara sózderine keıingi urpaqtyń qyzyǵýshylyǵyn oıatyp, sol arqyly ar-uıat, kórkem minez, bilimge qushtarlyq, ultqa mahabbat, otansúıgishtik, baýyrmaldyq, meıirim sekildi asyl qasıetterge qulshyndyrýdy maqsat etedi.

Jaqynda tusaýy kesilgen, ár jeksenbi 20:00-de shyǵatyn «Kúmis kómeı» ulttyq mýzykalyq-tanymdyq baǵdarlamasynyń osy aptadaǵy shyǵarylymy Abaı ánderine arnalady. Aqyn ánderi tanymal dástúrli ánshilerdiń oryndaýynda shyrqalyp, olardyń shyǵý tarıhyna saıahat jasalady. Joba 9-10 tamyz kúnderi efırge shyǵady.

10 tamyz kúni 20:30-da QR Memlekettik hatshysy Qyrymbek Kósherbaevtyń «Abai tv» arnasynyń «Sarasóz» baǵdarlamasyna bergen suhbaty usynylady. 20:50-de ataýly kúnge arnaıy ázirlengen «Abaı» jobasy efırge shyǵady. Joba qazaq rýhanııatynyń qundy murasyna aınalǵan «Abaı jolynyń» jazylý tarıhy týraly baıandaıdy.

Odan bólek, Abaı kúnine arnalǵan baǵdarlamalar kestesine «Qunanbaı» kórkem fılmi, «Adamzattyń alyby – hákim Abaı» respýblıkalyq aqyndar aıtysy, «Abaı ánderi» teatrlandyrylǵan kontserti, «Adamzattyń bárin súı» atty Abaı ánderiniń keshi engizildi.

«Qazaqstan» teleradıokorporatsııasy buǵan deıin jarııa etkendeı, Abaıdyń 175 jyldyq mereıtoıy qarsańynda túsirip jatqan «Abaı» telehıkaıasyn kórermenge kúzgi maýsymda tartý etedi. Kópbólimdi týyndynyń tusaýkeseri tamyz aıyna, aqynnyń týǵan kúnine josparlanǵan, alaıda koronavırýs indetine baılanysty túsirilim jumystary keshiktirilýde.


Bizdiń kanalymyzǵa jazylyńyz:

#BAQ   ##Abai175  
Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT