+7 (701) 759 90 19
USD 386.19 EUR 427.71
RUB 6.07 CNY 54.87
Jańalyqtar

«Qazaq Klasy» Mońǵolııanyń Qobda qalasynda jumysyn bastaıdy

2019 jylǵy 15 qarasha 16:45
Bólisińiz:
«Qazaq Klasy»  Mońǵolııanyń Qobda qalasynda jumysyn bastaıdy

NUR-SULTAN. QazAqparat – «Otandastar qory» KEAQ qyzmetkerleri Mońǵolııanyń batys bes aımaǵynyń ortalyǵy Qobda qalasynda qazaq tilin onlaın oqytatyn jobany tanystyrdy. Bul týraly QazAqparat Qordyń baspasóz qyzmetine silteme jasap habarlaıdy.

Uqsas jańalyqtar
Shárip Sáıpiǵalıuly «Mońǵol eline eńbek sińirgen qaıratker» ataǵymen marapattaldy «Omby qazaqtary» mektepterge qazaq tili pánin qaıtarýǵa talpynyp jatyr Sheteldegi qazaqtardy qoldaýdyń keshendi sharalary talqylandy

«Qasterli qalam» jobasynyń basty maqsaty qazaq tiliniń taralý aımaǵyn keńeıtý, dıaspora arasynda qazaq tiliniń mártebesin kóterý.

Sondaı-aq, etnıkalyq qazaqtar shoǵyrlanǵan jerlerde qazaq tilin oqytý boıynsha bilim berý is-sharalaryn ótkizý jáne olardy qajetinshe ádebıettermen, oqýlyqtarmen jáne oqý-ádistemelik quraldarmen qamtamasyz etý. Qazaq tilin qashyqtyqtan oqytatyn «onlaın» synybyn ashý.

Jobany eldegi JOO jáne arnaıy til oqytý ortalyqtarynyń qatysýymen QR Aqparat jáne qoǵamdyq damý mınıstrligi, «Otandastar qory», «Dúnıejúzi qazaqtary qaýymdastyǵy» birlestigi uıymdastyryp otyr.

Aıta keterligi, synyptar bastapqyda etnıkalyq qazaqtar kóp shoǵyrlanǵan mekenderde, atap aıtqanda Astrahan, Orynbor, Omby, Saratov, Máskeý, Chelıabi, Samara, Novosibir, Sankt-Peterbor, Qosaǵash (Reseı), Ystanbul (Túrkııa), Parıj (Frantsııa), Berlın (Germanııa), Gorgan (Iran), Kıev (Ýkraına), Mınsk (Belorýs), Antvepon (Belgııa), Ulan-Batyr, Qobda (Mońǵolııa), London (Ulybrıtanııa), Chıkago, Hıýston (AQSh) Bishkekte (Qyrǵyzstan) ashylady.

Bul synyptarda qazaq tili sabaǵy tórt emlede - qazaq-orys kırıll, aǵylshyn-qazaq latyn, parsy-qazaq arab árpinde, qytaı-qazaq qytaı ıeroglıfinde aptasyna 5 kún júrgiziledi. Oqytýshylardyń ótkizgen sabaqtary Otandastar YouTube arnasyndaǵy «qazaq klasy» aıasynda (tildik kýrster taqyryby, qazaqtyń salt dástúri men tarıhyn dáripteý lektsııalary, túrli konferentsııalar, belgili qazaq tulǵalarynyń júrgizýindegi qazaqsha dıktanttar, tikeleı efırdegi suhbattar) saqtalyp, oqýshyǵa qaıtalap qaraýǵa múmkindik beredi.

Sabaqtar tildi meńgerýge baılanysty deńgeılerge bólinip, deńgeıdi ıgergen oqýshyǵa sertıfıkat jáne Qazaqstanǵa joldama beriledi. Bastapqy deńgeı jazǵy lagerlerge, qysqa merzimdi tildik kýrstarǵa, túrli is-sharalarǵa qatysýǵa, ortańǵy deńgeı Qazaqstanda Altyn besik jobasy aıasynda otbasymen turýǵa, túrli praktıkalyq jumystar, saıahat jasaýǵa, joǵarǵy deńgeı Qazaqstannyń JOO-na grantqa túsýge múmkindik beredi.

Jobanyń Skype onlaın rejimde tegin sabaq ótkizý ádistemesi, jospary, kestesi «Zerdeli» aqyl-oıdy damytý ortalyǵymen birlese, damyǵan elderdiń mol tájirıbelerin zerttep, sheteldegi qandastardyń suranystaryn eskerip jasalǵan.

«Otandastar» qorynyń bıznes jáne jobalardy akseleratsııalaý departamentiniń úılestirýshisi Bolat Zaýytuly men mádenı-gýmanıtarlyq jobalar departamentiniń sarapshysy Ana Shakerhanqyzynyń tanystyrǵan osynaý jańalyqty Qobda qalasynyń Oqýshylar saraıyna jınalǵan qandastar qyzý qoldady. Jaqynda atalǵan qalada joba boıynsha kelisimshart jasalyp, «qazaq klasy» óz jumysyn bastaıtyn boldy.

Qandastar jıynda ózderin qyzyqtyrǵan suraqtarǵa naqty jaýap alýmen qatar, usynys tilekterin de bildirdi. Qatysýshylarǵa qordyń saıty, elektrondyq adresi, «biryńǵaı baılanys ortalyǵy» týraly aqparat berilip, sol óńirdegi «qazaq klasy» uıymdastyrýshy Zıba ıAasaıqyzyna kitaptar syılandy.

Bizdiń kanalymyzǵa jazylyńyz:

Basty sózder: Qandastar, Til,
Bólisińiz:

Avtor:

Qanat Mámetqazyuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT