+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Pyshaq jáne oq jaraqatyn alǵan: SQO polıtseıleri qaza tapqan áriptesterin eske aldy

2021 jylǵy 23 maýsym 21:39
Bólisińiz:
Pyshaq jáne oq jaraqatyn alǵan: SQO polıtseıleri qaza tapqan áriptesterin eske aldy

PETROPAVL. QazAqparat – Soltústik Qazaqstan oblysynda polıtseıler kásibı merekelerin qyzmettik mindetterin atqarý kezinde qaza tapqan áriptesteriniń eskertkishine gúl shoqtaryn qoıýdan bastady, dep habarlaıdy QazAqparat tilshisi.

Uqsas jańalyqtar
Jambylda qoǵamdyq oryndarda jasalatyn qylmys sany azaıǵan

SQO Polıtsııa departamenti baspasóz qyzmetiniń málimetinshe, óńirde ishki ister organdarynyń 8 qyzmetkeri qyzmet babynda mert bolǵan. Olardyń esimderi polıtsııa departamentiniń aldyndaǵy taqtaǵa qashalyp jazylǵan.

Qaza bolǵandardyń alǵashqysy - Pavel Zaıkın. Ony 1935 jyly qylmyskerler óltirip ketken.

Memorıal taqtadaǵy sońǵy esim – SQO ІІB janyndaǵy kúzet basqarmasy polıtsııa batalonynyń jas qyzmetkeri Muńaıtpas Jıentaev. Ol ishki ister organdarynda nebary úsh-aq jyl jumys istedi.

1999 jyly 20 maýsymda ol sońǵy kezekshiligine shyqty. Oǵan «Kazvtormet» JShS nysany senip tapsyrylǵan edi. 25 jastaǵy polıtsııa serjanty qaraqshylyq shabýyl barysynda qaza tapty. Qylmysker polıtseıge pyshaq suǵyp, eki ret oq atqan.

Polıtsııa departamentiniń basshylyǵy, jeke quram jáne ІІO ardagerleri qyzmet barysynda qaza tapqan áriptesterin bir mınýt únsizdikpen eske aldy. Olardyń qurmetine úsh márte salıýt berilip, memorıalǵa gúl shoqtary qoıyldy.

«Qaza bolǵandardyń erlikteri máńgi esimizde qala bermek. Qyzmettik mindetterin atqarý kezinde óz ómirlerin qıǵan ár qyzmetker – erliktiń, Otanyna, halqyna, antyna degen adaldyqtyń úlgisi. Olarǵa qurmet kórsetý jas býyn qyzmetkerlerge adamgershilik baǵdary bolmaq», - deıdi SQO PD bastyǵy Marat Tólebaev.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT