+7 (701) 759 90 19
USD 437.20 EUR 475.32
RUB 5.79 CNY 61.94
Jańalyqtar

Prokýratýra qazaqstandyqtarǵa úndeý jarııalady

2020 jylǵy 20 aqpan 17:52
Bólisińiz:
Prokýratýra qazaqstandyqtarǵa úndeý jarııalady

NUR-SULTAN. QazAqparat – QR Bas prokýratýrasynyń saıty Bas prokýrordyń orynbasary B. B. Dembaevtyń «Prokýratýra týraly» Zańnyń 31-baby tártibindegi úndeýin jarııalady. «QazAqparat» HAA úndeýdiń tolyq mátinin jarııalaıdy.

Qurmetti azamattar!

Konstıtýtsııanyń 32-babyna sáıkes Qazaqstan Respýblıkasynyń azamattary beıbit ári qarýsyz jınalýǵa, jınalystar, mıtıngiler men demonstratsııalar, sherýler ótkizýge jáne tosqaýyldarǵa turýǵa haqyly. Bul quqyqty paıdalaný memlekettik qaýipsizdik, qoǵamdyq tártip, densaýlyq saqtaý, basqa adamdardyń quqyqtary men bostandyqtaryn qorǵaý múddeleri úshin zańmen shektelýi múmkin.

Osyǵan tektes qaǵıda Azamattyq jáne saıası quqyqtar týraly halyqaralyq paktiniń 21-babynda bekitilgen.

Osyny eskere otyryp, Qazaqstanda beıbit jınalystardy uıymdastyrý men ótkizý tártibi Qazaqstan Respýblıkasynyń «Beıbit jınalystar, mıtıngiler, sherýler, pıketter jáne demonstratsııalar uıymdastyrý men ótkizý tártibi týraly» Zańymen reglamenttelgen.

Bas prokýratýranyń túsindirýlerine qaramastan, jekelegen adamdar, sonyń ishinde shetelden, sondaı-aq tyıym salynǵan «Qazaqstannyń demokratııalyq tańdaýy» («QDT») ekstremıstik uıymnyń jaqtastary áleýmettik jelilerde el turǵyndaryn zańsyz mıtıngilerge qatysýǵa shaqyrýdy jalǵastyrýda.

M. Áblıazovtyń bılikti kúshpen qulatýǵa jáne basyp alýǵa, áleýmettik arazdyqty qozdyrýǵa jarııa shaqyrýlaryna baılanysty «QDT» uıymy sotpen Qazaqstannyń barlyq aýmaǵynda qyzmetine tyıym salýmen ekstremıstik dep tanylǵandyǵyna (Astana qalasynyń Esil aýdandyq sotynyń 13.03.2018 jylǵy sheshimi) nazarlaryńyzdy aýdaramyz.

Osylaısha, «QDT» ekstremıstik uıymy beıbit uıym bolyp tabylmaıdy.

Onyń qyzmetine kez kelgen qatysý Qazaqstan Respýblıkasy Qylmystyq kodeksiniń 258 (ekstremıstik áreketti qarjylandyrý jáne terrorızmge ne ekstremızmge ózge de dem berýshilik) jáne 405-baptaryna (ekstremızmdi júzege asyrýǵa baılanysty onyń qyzmetine tyıym salý týraly sottyń sheshimi bar uıymnyń qyzmetine qatysý) sáıkes qylmystyq jaýaptylyqqa ákep soqtyrady.

Budan basqa, buqaralyq is-sharany ótkizýge ruqsat alǵanǵa deıin ony uıymdastyrýshynyń, sondaı-aq ózge de tulǵalardyń buqaralyq aqparat quraldarynda, Internette nemese ózge de aqparattyq jelilerde onyń ótkiziletin kúni, orny men ýaqyty týraly jarııalaýǵa quqyǵy joq. Sondaı-aq, olardyń osy maqsatta paraqshalar, plakattar jáne ózge de osyndaı materıaldardy daıyndaýǵa jáne taratýǵa quqyǵy joq.

Atalǵan erejelerdi buzý uıymdastyrýshynyń ÁQBtK-niń 488-babynyń 3-bóligi boıynsha jaýaptylyǵyna ákep soǵady.

Basqasha aıtqanda, 2020 jylǵy 22 aqpanǵa zańsyz aktsııalardy uıymdastyrýdy jáne ótkizýdi buzǵany úshin ákimshilik yqpal etý sharalary qabyldanatyn bolady (Ákimshilik quqyq buzýshylyq týraly kodekstiń 488-baby – Qazaqstan Respýblıkasynyń beıbit jınalystar uıymdastyrý jáne ótkizý tártibi týraly zańnamasyn buzý).

Eger bul áreketter azamattardyń, uıymdardyń, qoǵamnyń nemese memlekettiń quqyqtary men zańdy múddelerine eleýli zııan keltirýmen qatar júrse, onda kináli adamdar qylmystyq jaýaptylyqqa tartylady (Qylmystyq kodekstiń 400-baby - zańsyz aktsııany uıymdastyrý nemese qatysý, eger olar eleýli zalal keltirse).

Sonymen qatar, Qazaqstan Respýblıkasynyń 2019 jylǵy 26 qarashadaǵy №273-VІ QRZ Zańymen Ákimshilik quqyq buzýshylyq týraly kodekste 2019 jylǵy jeltoqsannan bastap kámeletke tolmaǵan adamdy zańsyz jarııa aktsııalarǵa tartqany, sol sııaqty ony qoǵamdyq, toptyq nemese jeke múddeler men qarsylyq bildirýdiń nysandarynda paıdalanǵany úshin jaýaptylyq engizilgenin túsindiremiz.

Osy quqyq buzýshylyq úshin Ákimshilik quqyq buzýshylyq týraly kodekstiń 128-babynyń 2-bóligi boıynsha júz aılyq eseptik kórsetkish mólsherinde aıyppul nemese on táýlikke deıingi merzimge ákimshilik qamaý kózdelgen.

Osyǵan baılanysty, kez kelgen adamnyń ruqsat etilmegen jarııa is-sharalardy uıymdastyrý nemese oǵan qatysý jónindegi is-áreketteriniń jolyn quqyq qorǵaý organdary zańmen kózdelgen jaýaptylyq sharalaryn qabyldaı otyryp, kesetin bolady.

Bas prokýratýra azamattardy arandatýshylyqqa ermeýge, qoldanystaǵy zańnamany múltiksiz saqtaýǵa jáne zańsyz jarııa aktsııalarǵa qatysýdan bas tartýǵa shaqyrady.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT