+7 (701) 759 90 19
USD 377.09 EUR 407.37
RUB 5.93 CNY 53.95
Jańalyqtar

Prokýratýra «Qazaqmys» korporatsııasyndaǵy qaıǵyly oqıǵanyń basty nusqasyn atady

2020 jylǵy 23 qańtar 19:22
Bólisińiz:
Prokýratýra «Qazaqmys» korporatsııasyndaǵy qaıǵyly oqıǵanyń basty nusqasyn atady

NUR-SULTAN. QazAqparat - Qaraǵandy oblystyq prokýratýrasy 21 qańtar kúni Jezqazǵandaǵy «Qazaqmys» korporatsııasy ǵımaratynda bolǵan qaıǵyly oqıǵaǵa qatysty málimdeme jasady, dep habarlaıdy QazAqparat tilshisi.

Uqsas jańalyqtar
Qordaıda polıtsııa qyzmetkerlerine qarsy kúsh qoldaný isin tergeý aıaqtaldy Qazaqstan aýmaǵynda terakt uıymdastyrmaq bolǵan eki azamat ustaldy -UQK Taldyqorǵanda 18 urlyqqa qatysy bar degen kúdikpen 21 jastaǵy turǵyn ustaldy

«21 qańtar kúni «Qazaqmys korporatsııasy» JShS-nyń ǵımaratynda «Qazaqmys korporatsııasy» ken-baıytý kombınatynyń bas dırektory A.M.Mınıgýlovtyń jumys bólmesinde onymen «Kásipqorǵan» kásipodaǵynyń tóraǵasy T.A.Tajbenovtiń arasynda janjal bolǵan. Korporatsııa qyzmetkerleri atalǵan jerge jedel járdem men polıtsııa shaqyrǵan. Oqıǵa ornynda polıtsııa qyzmetkerleri T.A.Tajbenovtiń máıitin jáne pyshaq jaraqatyn alǵan A.M.Mınıgýlov pen S.A.Tembaevti («Qazaqmys korporatsııasy» JShS bólim bastyǵy) anyqtaǵan. Olarǵa qajetti medıtsınalyq kómek kórsetilgen», - dep atap ótedi vedomstvodan.

Oblystyq prokýratýra aqparatyna sáıkes, atalǵan fakt boıynsha sotqa deıingi 2 tergep-tekserý jumysy bastaldy. Birinshisi óltirýge oqtalýǵa, ekinshisi ózin-ózi óltirýge jetkizýge baılanysty.

«Bastapqy tergeý amaldary barysynda T.A.Tajbenovtiń «Qazaqmys korporatsııasy» JShS bas dırektorynyń kabınetine tegis uńǵyly myltyq (T.A.Tajbenovtiń atyna tirkelgen) alyp kirip, bir ret oq atqany, ol oq eshkimge tımegeni anyqtalǵan. T.A.Tajbenovtiń myltyq alyp kirgeni beınebaqylaý kameralarynyń jazbalarymen, sonymen qatar oqıǵa ornynan jáne onyń ózinen tabylǵan zattaı aıǵaqtarmen aıqyndalǵan», - delingen taratylǵan aqparatta.

Kýálardyń aıtýynsha, oq atylǵannan keıin janjaldasýshylar A.M.Mınıgýlov, S.A.Tembaev jáne T..A.Tajbenov pyshaq jaraqatyn alǵan. T.A.Tajbenov ólimi faktisi boıynsha tergeý organdary ony óltirý nemese ózin-ózi óltirýge deıin jetkizý jóninde 2 boljamdy tekserip jatyr.

A.M.Mınıgýlov pen S.A.Tembaevtiń pyshaq jaraqattaryn alý faktisi boıynsha da óltirýge oqtalý boljamy tergelýde. Qazirgi ýaqytta polıtsııa organdary qajetti tergeý amaldaryn júrgizýde. Sot saraptamalary taǵaıyndalyp, zattaı aıǵaqtar men beınekameralardyń jazbalary zerdelený ústinde.

«Qaıtys bolǵan T.A.Tajbenovtiń ókilderine tergeý organy olardyń jábirlenýshi retindegi quqyqtaryn, onyń ishinde tergeý barysymen jáne tıisti materıaldarmen tanysý quqyǵyn túsindirdi. Búgingi kúni tergeý bastapqy satyda bolǵandyqtan kim kimge, qalaı jáne qandaı zatpen dene jaraqatyn keltirgeni týraly túpkilikti qorytyndy jasaýǵa áli erte ekenin aıta ketý qajet. Oqıǵaǵa qatysýshylardyń árqaısysynyń róli keshendi jedel-tergeý is-sharalarynan keıin jáne sarapshylar qorytyndylarynyń negizinde aıqyndalady. Osyǵan baılanysty turǵyndardan resmı aqparatty basshylyqqa alýdy jáne dáleldenbegen aqparatty taratýǵa jol bermeýdi suraımyz», - dep atap ótedi oblystyq prokratýradan.

Aıta keterligi, qylmystyq istiń tergelý barysy Qaraǵandy oblysy prokýrorynyń jáne oblystyq polıtsııa departamenti basshysynyń baqylaýyna alynǵan.

Osyǵan deıin «Qazaqmystyń» bas dırektoryna qastandyq jasalǵandyǵy jáne ol boıynshy qylmystyq is qozalyp, isti QR Bas prokýrory baqylaýyna alǵandyǵy habarlandy.




Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT