+7 (701) 759 90 19
USD 419.96 EUR 510.88
RUB 5.72 CNY 64.97
Jańalyqtar

Professor koronavırýstan qorǵaıtyn basty úsh faktordy atady

2020 jylǵy 5 jeltoqsan 00:33
Bólisińiz:
Professor koronavırýstan qorǵaıtyn basty úsh faktordy atady

ALMATY. QazAqparat – Medıtsına ǵylymdarynyń kandıdaty, «Qaraǵandy medıtsınalyq ýnıversıteti» AQ klınıkalyq farmakologııa kafedrasynyń meńgerýshisi, professor Sholpan Qalıeva koronavırýstan qorǵanýdyń basty faktorlaryn atady, dep habarlaıdy QazAqparat tilshisi.

Uqsas jańalyqtar
Qaýly jańartyldy: Nur-Sultan qalasynda jeksenbi kúni qoǵamdyq kólik júrmeıdi Shyǵys Qazaqstanda shekteý sharalary qańtardyń aıaǵyna deıin uzartyldy Pavlodar oblysyna shet memleketterden COVID-19 juqtyrǵan 108 adam kelgen

Onyń aıtýynsha, maska taǵý, áleýmettik qashyqtyqty saqtaý, dezınfektsııa vırýstan qorǵaıtyn basty sharalar bolyp otyr.

«Adamdar aýyra ma, aýyrmaı ma oǵan qaramastan kóp baılanysqa túspeýge tyrysý kerek. Adamdar aýyratynyn bilmeýi de múmkin. Sondyqtan, maska taǵý mindetti. Óıtkeni maska vırýstyń 70% súzedi. Adam juqtyrǵan jaǵdaıda da vırýstyq júkteme az bolady. Qoǵamdyq oryndarǵa barǵan soń qoldy sanıtaızerlermen tazalaý kerek», - deıdi Sholpan Qalıeva.

Spıkerdiń aıtýynsha, vırýstyń betki qabattarda ómirsheń ekendigi týraly pikirler alýan túrli.

«Jaqynda vırýs betki qabattarda uzaq turmaıdy degen pikir taraldy. Biraq, oǵan qaıshy ǵylymı qorytyndylar da bar. Orta eseppen vırýs adam aǵzasyna jetkenshe úsh táýlik tiri bolady. Sol úshin qoldy zararsyzdandyrý mańyzdy. Vırýs juqqan qolymyzben betimizdi, kózimizdi, murnymyzdy ustaǵan jaǵdaıda aǵzaǵa vırýs 100%ǵa kiredi», - deıdi professor.

Maman naýqaspen tyǵyz baılanysta bolǵan adamnyń vırýs juqtyrý yqtımaldyǵy týraly aıtty.

«Vırýs óte kontagıozdy. Naýqas adammen jolyqqanda 2 metr qashyqta turýymyz kerek. Júrgizilgen eksperımentke sáıkes túshkirgen adam qansha adamǵa vırýs juqtyratyny anyqtaldy. Bul shamamen 1,5 metr. Alaıda qaýipsizdik qashyqtyǵy shamamen 2 metr. Naýqas adamdy kórgen jaǵdaıda ekeýińiz de maskada bolsańyzdar, vırýstan aman qalýǵa bolady. Al eger adamnyń ımmýnıteti tómendegen bolsa, aǵza ınfektsııany tez qabyldaıdy. Juǵyp ketýi ǵajap emes», - dep atap ótti dáriger.

Professor ózi de vırýsty juqtyrǵanyn aıtty.

«Men ózim vırýsty juqtyrǵanymdy bilmedim. Esesine týǵan-týys, baýyrlarymmen aralasyp júrdim. Sonda menimen bir páterde turatyn týystarym ǵana aýyrdy. Menimen baılanysta bolsa da, qaýipsizdik sharalaryn saqtaǵandar, maska taǵyp júrgender aýyrmady» deıdi ol.

Onyń aıtýnsha, koronavırýs ta basqa vırýstar sııaqty mýtatsııaǵa ushyraıdy.

«Vırýstyń birinshi tolqynynda kóbinese orta, egde jastaǵy adamdar jıi aýyrǵan. Balalar sırek aýyrdy. Jazda ólim kórsetkishi kóp boldy. Orta jas taǵy 55 shamasynda boldy. Al qazir vırýs jas balalarǵa tez juǵyp jatyr. ShQO da birneshe oqýshy vırýs juqtyrǵanyn bilesizder» deıdi Sholpan Qalıeva.

Bizdiń kanalymyzǵa jazylyńyz:

Bólisińiz:

Avtor:

Gúlmıra Ǵosmanálı

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT