Professor Bolat Habıjanuly «Altyn dáriger» medalimen marapattaldy

ALMATY. QazAqparat – Pedıatrııa ortalyǵynda medıtsına ǵylymdarynyń doktory, professor, QR Eńbek sińirgen dárigeri Bolat Habıjanulynyń 80 jyldyq mereıtoıy atalyp ótti, dep habarlaıdy QazAqparat tilshisi.

Uqsas jańalyqtar

SQO-da bıyl 2,4 mlrd teńgege jańa medıtsınalyq qondyrǵy alynady

Mınıstrlik medıtsınalyq saqtandyrýǵa qatysty feık aqparatqa senbeýge shaqyrdy Qytaıdaǵy dástúrli qazaq medıtsınasy úlken suranysqa ıe: qazaqy etikpen emdeý, kıiz úı úlgisindegi tigis Qaraǵandy oblysynda densaýlyq saqtaý salasyn qarjylandyrý ulǵaıtylady

Saltanatty jıynǵa ortalyqtyń basshylyq quramy, dárigerler men qyzmetkerler, ǵalymnyń dostary men áriptesteri, sonymen qatar shákirtteri qatysyp, mereıtoı ıesin mereıli jasymen quttyqtady.

S.J.Asfendııarov atyndaǵy Qazaq ulttyq medıtsına ýnıversıtetiniń rektory Talǵat Nurǵojın mereı toı ıesiniń densaýlyq salasyna sińirgen eńbegin atap ótip, qoǵamdyq densaýlyqty damytýǵa jáne QR densaýlyq saqtaý júıesin nyǵaıtýǵa qosqan úlesi úshin Bolat Habıjanulyna «Ýnıversıtet maqtanyshy» tósbelgisin tabystady.

Sonymen qatar, Bolat Habıjanuly QR halqynyń ómiri men densaýlyǵyn saqtaýǵa sińirgen abyroıly eńbegi úshin Ulttyq Medıtsınalyq qaýymdastyǵynyń joǵary marapaty - «Altyn dáriger» medalimen marapattaldy.

Jıyn barysynda Pedıatrııa jáne balalar hırýrgııasy ǵylymı ortalyǵynyń basshysy Rıza Boranbaeva Bolat Habıjanulynyń qyzmet joly men ortalyqqa sińirgen eńbegin atap ótti.

«Qurmetti Bolat Habıjanuly! Sizdiń jemisti eńbegińizge, sırek kezdesetin basqarýshylyq qasıetińizge, belsendiligińizge, atqaryp jatqan ıgi isterińizben, pedıatrııa salasyna bilikti mamandar daıyndaý isine qosyp jatqan úlesińizge tántimiz. Sizdiń Qazaqstan pedıatrııasy salasyna sińirgen eńbegińiz orasan zor. Shyn júrekten Sizge zor densaýlyq, otbasyńyzǵa baqyt, balalar saýlyǵy jolyndaǵy qyzmetińizge mol tabys tileımiz!»,- dedi Rıza Boranbaeva.

Bolat Habıjanuly qazaq tilinde stýdentterge arnalǵan tuńǵysh «Bala hırýrgııasy», «Pedıatrııa» kitabiniń, 400-den asa ǵylymı eńbektiń, onyń ishinde 2 monografııanyń avtory. Onyń jetekshiligimen 25 dıssertatsııa qorǵaldy: 5 ǵylym doktoryn, 20 ǵylym kandıdatyn daıarlady.