Prezıdenttiń jastar kadr rezervin irikteýge qansha qarajat jumsaldy
2021 jylǵy 27 jeltoqsan 13:10

Prezıdenttiń jastar kadr rezervin irikteýge qansha qarajat jumsaldy

NUR-SULTAN. QazAqparat – 2021 jyly Prezıdenttik jastar kadr rezervin irikteýge bıýdjetten 70 mln teńge jumsalǵan, dep habarlaıdy QazAqparat tilshisi.

Bul týraly QR Prezıdenti janyndaǵy Memlekettik basqarý akademııasynyń rektory Erlan Ábil ortalyq kommýnıkatsııalar qyzmetinde ótken brıfıngide aıtty.

«2021 jyly Prezıdenttiń jastar kadr rezervin irikteý jumysyn uıymdastyrýǵa memleket bıýdjetinen 70 mln teńgege jýyq qarjy bólingen. Ol qarajat ІT-platformany daıyndaýǵa, sarapshylardy tartýǵa, assesment-ortalyq uıymdastyrýǵa jumsaldy», - dedi Erlan Ábil.

QR Memlekettik qyzmet isteri agenttiginiń tóraıymy Anar Jaıylǵanovanyń aıtýynsha, buǵan deıingi jas mamandar rezervin irikteýge bıýdjetten aqsha bólinbegen.

«2019 jylǵy rezervti ótkizgen kezde biz bıýdjetten eshqandaı qarajat alǵan joqpyz. Onyń barlyǵy Astana Hub-tyń aqshasyna jasaldy. Solardyń Nıý-Iorktegi jáne Ystanbuldaǵy keńsesi arqyly bizge úlken kómek kórsetti. Sondyqtan da bıýdjetten bir tıyn da shyǵyn shyqqan joq. Kadrlyq rezerv 2019 jyly jáne bıyl ótkizildi. 2020 jyly irikteý júrgizilgen joq», - dedi agenttik basshysy.


Seriktester jańalyqtary

Jańalyqtar

Úrdis

MURAǴAT