+7 (701) 759 90 19
USD 419.69 EUR 510.89
RUB 5.63 CNY 64.82
Jańalyqtar

Prezıdenttiń jastar kadr rezervi: 150 jas maman jańa qyzmetke ornalasty

2020 jylǵy 23 shilde 11:01
Bólisińiz:
Prezıdenttiń jastar kadr rezervi: 150 jas maman jańa qyzmetke ornalasty

NUR-SULTAN. QazAqparat – Memleket basshysy Qasym-Jomart Toqaevtyń Prezıdent jastar kadr rezervin qurý bastamasy aıasynda iriktelgen 300 adamnyń jartysy ártúrli laýazymǵa ıe boldy. Bul týraly Prezıdenttiń keńesshisi Erlan Qarın málim etti, dep habarlaıdy QazAqparat tilshisi.

«Prezıdent Qasym-Jomart Toqaevtyń negizgi bastamalarynyń biri – Prezıdent jastar kadr rezervin qurý. Atalmysh bastamany Qasym-Jomart Toqaev saılaýaldy baǵdarlamasy aıasynda daryndy jastar úshin tıimdi áleýmettik lıft qurý sharalarynyń biri retinde jarııalaǵan edi», - dep jazdy Prezıdenttiń keńesshisi Telegram paraqshasynda.

Erlan Qarın ótken jyldyń kúz aıynda konkýrs jarııalanǵanyn, elimizdiń 13 aımaǵynan 13 myńǵa tarta qazaqstandyq ótinim bergenin eske saldy.

«Іrikteý 4 aı júrgizildi. Nátıjesinde 300 adam ótti. Osy jyldyń 15 aqpanynda baǵdarlama qatysýshylarymen Prezıdenttiń ózi kezdesti. Memleket basshysy rezervtegilermen kezdesý barysynda «Eldegi eń aýqymdy transformatsııalar naqty saladaǵy, qala nemese aýyldaǵy azdaǵan ózgeristerden bastalady. Ielengen pozıtsııasyna qaramastan árkim óz ornynda otyryp, jańǵyrtý protsesine úlesin qosýy kerek» dep atap ótken edi. Sonymen qatar, Prezıdent bul baǵdarlamanyń basty maqsaty – laýazymǵa jaıǵastyrý emes ekenin, onyń basty maqsaty – jas mamandarǵa óz darynyn, áleýetin kórsetýge múmkindik berý ekenin eskertti. Sol sebepti rezevrke ený faktisiniń ózi – memlekettik laýazymǵa taǵaıyndalý kepildigin bermeıdi. Jastar rezervi boıynsha ulttyq komıssııa tıisti vakansııa barda jáne úmitkerdiń kásibı quziretin esepke ala otyryp, baǵdarlama qatysýshysyn usyna alady. Qazirgi ýaqytta 150 rezervshi jańa laýazymǵa ıe boldy», - deıdi ol.

Erlan Qarın ortalyq memlekettik organdarǵa - 83 adam, jergilikti atqarýshy organdarǵa - 38 rezervshi, basqa qurylymdarǵa - 29 adam ornalasqanyn jetkizdi.

«Taıaý arada Prezıdent jastar kadr rezerviniń qatysýshylarymen jańa oqytýshy baǵdarlamalar iske qosylady», - deıdi Erlan Qarın.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT