Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 386.82 EUR 428.67
RUB 5.86 CNY 54.95
Jańalyqtar

Prezıdenttiń Úkimetke bergen tapsyrmalary kópshiliktiń qoldaýyna ıe boldy - depýtat

2019 jylǵy 17 shilde 15:51 526
Bólisińiz:
Prezıdenttiń Úkimetke bergen tapsyrmalary kópshiliktiń qoldaýyna ıe boldy - depýtat

NUR-SULTAN. QazAqparat – Muqtajdarǵa qoldaý bildirip, eńbek etýge qabileti bar adamdarǵa múmkindik jasaǵan jón. Bul týraly Parlament Májilisiniń depýtaty Maıra Aısına málim etti, dep habarlaıdy QazAqparat tilshisi.

«Ár adam úshin baspana óte mańyzdy ekeni belgili. Ózderińiz bilesizder, elimizde turǵyn úı qurylysy baǵytyna erekshe mán berilip otyr, osy oraıda birneshe memlekettik baǵdarlamalar boldy. Nátıjesinde, turǵyndardyń kóbisi óz baspanasyna qol jetkizdi. Degenmen, barlyǵyn shamaly ýaqyttyń ishinde 100 paıyzǵa qamtý óte qıyn. Turǵyndaryn túgeldeı jeke baspanasymen qamtyǵan ondaı el de joq shyǵar. Atap aıtqanda, Úkimettiń keńeıtilgen otyrysynda Prezıdent Qasym-Jomart Toqaevtyń bul máselege qatysty bergen tapsyrmalary kópshilik tarapynan qoldaýǵa ıe bolýda», - dedi Maıra Aısına.

Osy oraıda depýtat búginde múmkindigi shekteýli jandarǵa, kópbalaly otbasylarǵa qoldaý jasaýdyń tetikteri qaıta qarastyrylyp jatqanyn atap ótti.

Bıyl kópbalaly otbasylar men jastardyń baspana máselesin sheshýge negizdelgen zań qabyldanǵanyna toqtalǵan M. Aısına, «Kezekte turǵan kópbalaly otbasylardyń sany 30 myńnan asyp ketti. Osy oraıda atalǵan toptaǵy otbasylardyń baspanaly bolýyna jaǵdaı jasalyp, kezektegi turǵandar retimen páterlerine qol jetkizedi. Sonymen qatar, kópbalaly otbasylarǵa 2 paıyzdyq ıpoteka berý qadamy da eleýli qoldaý bolady dep oılaımyn», - dedi.

Budan bólek depýtat elimiz azamattarynyń qaryz júktemesin azaıtý qadamy birjolǵy shara ekenin, turǵyndardy osyndaı jeńildikterge úırete berýge bolmaıtynyn jetkizdi.

«Árbir jetistik eńbekpen kelýi kerek, bul bir jaǵynan óskeleń urpaqqa tárbıe. Múmkindigi joq adamdarǵa kómektesken durys. Jalpy, atalǵan baǵyttardaǵy qadamdarǵa taldaý jasap, muqtajdarǵa qoldaý bildirip, al eńbek etýge qabileti bar adamdarǵa múmkindik jasaǵan jón», - dedi Maıra Aısına.

Budan buryn habarlanǵandaı, 15 shildede ótken Úkimettiń keńeıtilgen otyrysynda Prezıdent jastarǵa baspana qoljetimdi bolýy tıis ekenin aıtty.

Memleket basshysy baspana máselesin baqylaýda ustaýdy júktedi.

Sonymen qatar, Qasym-Jomart Toqaev halyqtyń qaryz júktemesin tómendetýge qatysty sharany tıisti deńgeıde oryndaýdy tapsyrdy.

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT