+7 (701) 759 90 19
USD 425.73 EUR 498.32
RUB 5.8 CNY 65.85
Jańalyqtar

Prezıdenttiń saıası reformalary men tapsyrmalary qalaı júzege asyrylyp jatyr

2021 jylǵy 17 mamyr 12:28
Bólisińiz:
Prezıdenttiń saıası reformalary men tapsyrmalary qalaı júzege asyrylyp jatyr

NUR-SULTAN. QazAqparat – Búginge deıin Qazaqstan Prezıdenti Qasym-Jomart Toqaev saıası reformalardyń úsh toptamasyn jarııa etkeni kózi qaraqty oqyrmanǵa jaqsy tanys. Bul reformalar da sóz júzinde qalyp qoımaı, naqty júzege asyrylyp jatqany da belgili, dep habarlaıdy QazAqparat tilshisi.

ÚSh TOPTAMA

Naqtyraq aıtar bolsaq, Memleket basshysy saıası reformalardyń alǵashqy toptamasyn Ulttyq qoǵamdyq senim keńesiniń otyrysynda jarııa etken bolatyn. Qazirgi ýaqytta bul toptama aıasyndaǵy tapsyrmalar tolyqtaı júzege asyrylyp, onyń aıasynda 8 zań qabyldandy. Atap aıtqanda, saıası partııalardy tirkeý úshin qajetti jaqtastar sanyn 40 myńnan 20 myńǵa deıin azaıtý, áıelder men jastarǵa mindetti túrde 30 paıyzdyq kvotany saılaý tizimderinde berý qamtylǵan «Saıası partııalar týraly», «Saılaý týraly», «Parlament jáne onyń depýtattarynyń mártebesi týraly» zańdarǵa ózgerister engizildi. Mıtıngiler týraly múldem jańa zań jáne Qylmystyq kodekstiń 130-babyn qylmys sanatynan alyp tastaý jáne 174-babyn izgilendirý úshin ózgerister qabyldandy. Ólim jazasynyń kúshin joıýǵa baǵyttalǵan «Azamattyq jáne saıası quqyqtar týraly halyqaralyq paktige ekinshi fakýltatıvtik hattamany ratıfıkatsııalaý týraly» QR Zańy kúshine endi.

2020 jyldyń 1 qyrkúıeginde Prezıdent Qasym-Jomart Toqaev Qazaqstan halqyna arnalǵan Joldaýyn jarııa etken bolatyn. Sol kezde saıası reformalardyń birinshi toptamasy aıasynda atalǵan zańdardy qysqa ǵana ýaqyttyń ishinde sapaly ázirlep, jedel qabyldaǵan Parlamentke rızashylyǵyn bildirip ótken edi. Sonymen qatar qatar Memleket basshysy bul saıası saladaǵy reformalarymyzdyń bastamasy ǵana ekenin eskertip ótken-di.

«Ony jańǵyrtý isi jalǵasa beredi. Memlekettik bıliktiń barlyq derlik ınstıtýttaryn reformalaý kerek. Jańǵyrtýdyń negizgi maqsaty – tutas memlekettiń tıimdiligin arttyrý. Eger azamattarymyzdyń ál-aýqatyn shyn máninde jaqsartqymyz kelse, olardyń ózderin osy iske belsendi túrde tartqan jón. Aldaǵy saıası reformalardyń barlyǵy halyqty memleket basqarý isine keńinen qatystyrýǵa baǵyttalýy kerek. Mysaly, qoǵamdyq pikir saýaldamalary aýyl ákimderiniń saılaý arqyly qyzmetke kelýine qatysty suranystyń artqanyn kórsetip otyr. Bul mańyzdy qadamdy jan-jaqty oılastyryp, dáıekti túrde júzege asyrǵan jón. Mundaı júıeniń qalaı jumys isteıtinin naqty bilýimiz kerek. Alaıda bul máseleniń sheshimin keıinge qaldyrýǵa bolmaıdy», - degen edi Qasym-Jomart Toqaev.

Osylaısha, Memleket basshysy Joldaýy aıasynda saıası reformalardyń ekinshi toptamasy jarııa etildi. Onda azaptaýǵa, adam saýdasyna qarsy is-qımyl jáne azamattardy, ásirese, balalardy kıberbuzýshylyqtan qorǵaý úshin zańnamany jetildirý máseleleri kóterilgen. Atalǵan toptama aıasynda 5 zań jobasy, bir Prezıdent Jarlyǵy ázirlendi. Zań jobalary Parlament depýtattarynyń qaraýynda.

Prezıdenttiń mańyzdy bastamalarynyń biri – aýyl ákimderin tikeleı saılaý. Jalpy, 4 jyl ishinde 2 345 ákimdi, sonyń ishinde 2021 jyly 836 ákimdi saılaý josparlanyp otyr. Bul normalardyń qabyldanýy saıası básekeni damytýǵa jáne azamattardyń saıası belsendiligin arttyrýǵa septigin tıgizedi. Aýyl ákimderin saılaý bıyl bastalsa, odan keıingi kezekte aýdan ákimderin tikeleı saılaý júzege asyrylmaq.

Al 2021 jyldyń 15 qańtarda VII shaqyrylymdaǵy Parlamenttiń birinshi sessııasynyń ashylýynda Prezıdent saıası reformalardyń úshinshi toptamasyn jarııalady. Onyń aıasynda aldaǵy ýaqyttyń ózinde úsh zań jobasyn ázirleý qarastyrylǵan. Olardyń ishinde saıası partııalardyń Májiliske ótý shegin 7-den 5 paıyzǵa deıin tómendetý, saıası bıýlletenderge «bárine qarsymen» degen jazýdy engizý jáne basqa da bastamalar bar.

PREZIDENT TAPSYRMALARY

Jalpy, munan bólek te Prezıdenttiń birneshe ondaǵan tapsyrmasy jiti qarastyrylyp oryndalyp jatyr. Máselen, Memleket basshysy Bilim jáne ǵylym mınıstrligine oqýlyqtardy vedomstvonyń aqysyz quqyqtaryn bekitip bere otyryp, olardy kezeń-kezeńimen tsıfrlyq formatqa kóshirý josparyn ázirleýdi tapsyrǵan bolatyn. Al búginde 1-11 synyptarǵa arnalǵan barlyq elektrondy oqýlyqtar Bilim jáne ǵylym mınıstrliginiń saıtynda jarııalandy. Tehnıkalyq jáne kásiptik bilim berý júıesinde koldedjderdiń 100 paıyz otyzdan astam platformaǵa qol jetkize alady. 21 000-nan astam tsıfrlyq resýrstardy qamtıtyn katalog quryldy. 12 368 beınesabaq, 3 848 elektrondy oqýlyq, 5 771 qosymsha materıal, 30 368 ustaz ІT quzireti boıynsha biliktiligin arttyrdy. Qashyqtan oqý platformalarıa men baǵdarlamalaryn paıdalana otyryp 20-dan astam nusqaýlyq ázirlendi.

Prezıdenttiń taǵy bir tapsyrmasy memlekettik shyǵarmashylyq jáne sporttyq tapsyrysty iske asyrý arqyly balalar men jasóspirimderdiń shyǵarmashylyq jáne sporttyq áleýetin arttyrý úshin memlekettik qogldaýdyń jańa ınstıtýtyn engizýge qatysty boldy. Onyń aıasynda 2021 jyldyń 1 mamyrynan bastap memlekettik shyǵarmashylyq jáne sporttyq tapsyrys júzege asyrylady. Ol úshin bıyl jergilikti atqarýshy organdar tarapynan memlekettik shyǵarmashylyq tapsyrysty iske asyrýǵa 2,4 mlrd teńge, sporttyq tapsyrysty iske asyrýǵa 3,7 mlrd teńge bólý kózdelgen. 2021 jyly respýblıka boıynsha jan basyna shaqqanda 23,5 myń shyǵarmashylyq úıirme jáne 1 029 sport sektsııasy qarjylandyrylady. Onda shamamen 43,3 myń bala sportpen jáne shyǵarmashylyqpen (shyǵarmashylyq úıirmelerde - 23,5 myń bala, sport sektsııalarynda – 21 548 bala) tegin aınalysatyn bolady.

Memleket basshysynyń tehnıkalyq jáne kásibı bilim berýge qatysty birqatar tapsyrmasy da oryndaldy. Atap aıtqanda, 2020 jyldan bastap «Jas maman» jobasy júzege asyrylyp jatyr. Jalpy somasy 22,1 mıllıard teńgege 80 kolledj zamanaýı quraldarmen jabdyqtaldy. Al bıyl 100 kolledjdiń oqý-óndiris sheberhanalaryn jabdyqtaý úshin 28,9 mıllıard teńge bólý josparlanyp otyr.

Prezıdenttiń bastamasymen daıyndalǵan «Jer» týraly zań jobasyndaǵy negizgi norma - jerdi sheteldikterge satýǵa jáne jalǵa berýge tyıym salý. Memleket basshysy Ulttyq qoǵamdyq senim keńesiniń 25 aqpanda ótken V otyrysynda málimdeme jasap, bul másele tóńiregindegi túrli daýǵa, pikir-talastarǵa núkte qoıý qajettigi jóninde aıtty. Osyǵan oraı 12 naýryzda Prezıdent Qasym-Jomart Toqaev Jerdi sheteldikterge satýǵa tyıym salatyn zań jobasyn Konstıtýtsııalyq tártipke sáıkes óziniń bastamasymen daıyndatyp, Parlamentke jiberdi. Jýyrda zań qabyldanǵan bolatyn. Sońǵy jyldary qazaqstandyqtardyń arasynda jerdi sheteldikterge satýǵa jáne jalǵa berýge baılanysty óte kóp talqylanǵan túrli daý-damaılarǵa birjola núkte qoıyldy.

Prezıdenttiń Joldaýdaǵy zeınetaqynyń bir bóligin qoldanýǵa qatysty tapsyrmasy da tolyqqandy oryndalyp jatyr dep aıtýǵa tolyq negiz bar. Búginde 761 myńnan astam salymshy óz jınaqtarynyń jetkiliktilik sheginen asatyn bir bóligin paıdalanýǵa múmkindik aldy. BJZQ salymshylardyń arnaıy shottaryna 1,2 trln teńgeden astam qarajat aýdardy. Onyń ishinde: turǵyn úı jaǵdaıyn jaqsartýǵa – shamamen 1,187 trln teńge; emdelýge – 4,6 mlrd teńgeden astam. Zeınetaqy jınaqtaryn ınvestıtsııalyq portfeldi basqarýshyǵa aýdarý týraly 1230 ótinish oryndalyp, shamamen 2,8 mlrd teńge kompanııalarǵa aýdaryldy.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT