+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

Prezıdenttiń óńdeýshi ónerkásipke qatysty tapsyrmalary sapaly oryndalýy tıis – Mamın

2021 jylǵy 28 qyrkúıek 10:02
Bólisińiz:
Prezıdenttiń óńdeýshi ónerkásipke qatysty tapsyrmalary sapaly oryndalýy tıis – Mamın

NUR-SULTAN. QazAqparat – Premer-Mınıstr Asqar Mamın Indýstrııalandyrý kartasyn iske asyrýǵa qatysty birqatar tapsyrma berdi, dep habarlaıdy QazAqparat tilshisi.

Uqsas jańalyqtar
Ekologtardy Jaıyq ózeni sýynyń azıýy alańdatyp otyr «Aýyl - el besigi»: 1 mln aýyl turǵyny tabysyn arttyrady Aýyl búldirshinderi 100 paıyz balabaqshamen qamtylady

«Memleket basshysy Qasym-Jomart Kemeluly Toqaev Qazaqstan halqyna Joldaýynda 2025 jylǵa qaraı óńdeýshi ónerkásip eksportyn 1,5 ese, eńbek ónimdiligin 30 paıyzǵa ulǵaıtý mindeti qoıyldy. Sondyqtan Indýstrııalandyrý kartasynyń jobalaryn ýaqtyly ári sapaly iske asyrý osy mindetterge qol jetkizýdegi basty element bolyp otyr. Bıyl 1,2 trln teńgege 128 joba iske qosylady dep josparlap otyrmyz. Bul óndiris kólemin 1 trln teńgege, eksportty 800 mln dollarǵa ulǵaıtýǵa, 12 myńǵa jýyq jumys orynyn qurýǵa múmkindik beredi» - dedi A. Mamın Úkimet otyrysynda.

Osy oraıda Úkimet basshysy jobalardy iske qosý jaǵynan Qaraǵandy, Almaty oblystary men Shymkent qalasynda oń serpin baıqalǵanyn aıtty.

«Al 7 óńirde jobalardy ýaqytyly iske asyrý boıynsha jumysty jandandyrý kerek. Bul Aqtóbe, Aqmola, Qyzylorda, Pavlodar, Túrkistan oblystary men Nur-Sultan jáne Almaty qalalary. Óńirlerdiń ákimderine ár jobanyń iske asyrylýyn jeke baqylaýda ustaýdy tapsyramyn, jyl sońyna deıin olardyń paıdalanýǵa berilýin qamtamasyz etińizder», - dedi Premer-Mınıstr.

Onyń aıtýynsha, Indýstrııalandyrý kartasyna qosý úshin jobalardy sapaly irikteýdiń mańyzy zor.

«Eksporttyq áleýetke, lokalızatsııa men qaıta óńdeýdiń joǵary deńgeıine, ımport almastyrýǵa, shıkizattyń qoljetimdiligine basymdyq berilýge tıis. Indýstrııa mınıstrligi osy baǵyttar boıynsha ınvestorlarmen jumysty kúsheıtýi qajet. Jalpy Memleket basshysynyń óńdeýshi ónerkásiptiń ósýin qamtamasyz etý jónindegi tapsyrmalary sapaly ári belgilengen merzimde oryndalýǵa tıis», - dedi Asqar Mamın.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT