+7 (701) 759 90 19
USD 377.09 EUR 407.37
RUB 5.93 CNY 53.95
Jańalyqtar

Prezıdenttiń quttyqtaý sózinde qandaı mańyzdy sharalar aıtyldy

2020 jylǵy 2 qańtar 18:34
Bólisińiz:
Prezıdenttiń quttyqtaý sózinde qandaı mańyzdy sharalar aıtyldy

NUR-SULTAN. QazAqparat – Qazaqstan Respýblıkasynyń Prezıdenti Qasym-Jomart Toqaev jańajyldyq quttyqtaýynda 2020 jyly bolatyn mańyzdy sharalardy baıandady, dep habarlaıdy QazAqparat.

Uqsas jańalyqtar
Prezıdentke ulttyq holdıngterdi ońtaılandyrý týraly usynys berildi Mıýnhen konferentsııasynda Qazaqstan men AQSh-tyń yntymaqtastyǵy talqylandy Qasym-Jomart Toqaev: Innovatsııalar men tsıfrlandyrýǵa basa mán beriledi

«Elimizdi odan ári jańǵyrtýǵa jáne demokratııalandyrýǵa baǵyttalǵan birqatar sheshimder qabyldadym. Túrli pikirlerge qaramastan, biz - birtutas halyqpyz. Uly babalarymyz mura etip qaldyrǵan ulttyq birlikti kózdiń qarashyǵyndaı saqtaýymyz kerek. Alda mańyzdy reformalardy zańnamalyq qamtamasyz etý boıynsha kúrdeli jumystar kútip tur», - dedi Prezıdent.

Qasym-Jomart Toqaev halyqtyń turmys sapasyn jaqsartý úshin naqty sharalar júzege asyrylǵanyn atap ótti. Bıýdjet salasy qyzmetkerleriniń jalaqysy, zeınetaqy, járdemaqy jáne stýdentterdiń stıpendııasy kóbeıetinin jetkizdi.

Atap aıtqanda, muǵalimder jalaqysy - 25 paıyzǵa, mádenıet salasy qyzmetkerlerinde - 35-50 paıyzǵa jáne áleýmettik qyzmetterde - eńbekaqy 30-60 paıyzǵa kóteriledi. «Qazaqstannyń eńbek sińirgen ustazy» qurmetti ataǵymen marapattalǵan muǵalimderge 1 000 AEK mólsherinde birjolǵy tólem beriledi, al magıstr dárejesi bar dene tárbıesi jáne sport salasyndaǵy memlekettik bilim berý uıymdarynyń qyzmetkerlerine jáne áskerı oqý oryndarynyń oqytýshylaryna qosymsha 10 AEK tólenedi.

Sonymen birge, 2020 jyldyń 1 qańtarynan bastap yntymaqtyq zeınetaqy 7% -ǵa ósedi, al onyń eń tómengi mólsheri 38 636 teńgeni quramaq. Memlekettik bazalyq zeınetaqy tólemi 5 paıyzǵa artyp, eń tómengi mólsheri - 16 839 teńge bolady.

Al Jastar jylynyń resmı jabylýynda Qazaqstan Prezıdenti Qasym-Jomart Toqaev 2020 jyldyń 1 qańtarynan bastap stýdentter shákirtaqysy 25 paıyzǵa artatynyn málimdedi. Osylaısha, bakalavrıat stýdentterine arnalǵan stıpendııa 26 186 teńge, magıstratýraǵa - 66 913 teńge, doktorantýra úshin - 102 498 teńge tólenedi.

Memleket basshysy quqyq qorǵaý jáne sot júıesinde de aýqymdy jańǵyrtý jumystary júrip jatqanyn eske saldy. 2020 jyldyń 1 qańtarynan bastap, Qazaqstanda zorlyq-zombylyq pen pedofılııa qylmysy úshin jaza kúsheıtildi.

Prezıdent qol qoıǵan Qylmystyq, qylmystyq-protsestik zańnamany jetildirý boıynsha QR Zańy arqyly zorlaý (Qylmystyq kodekstiń 120-baby) jáne nápsiqumarlyq sıpattaǵy kúsh qoldaný áreketteri (QK 121-b.) ortashadan aýyr sanatqa aýystyryldy (QK 120-babynyń 1-bóligi, 121-babynyń 1-bóligi – 5 jyldan 8 jylǵa deıin bas bostandyǵynan aıyrý). Buǵan deıin zorlaý qylmysy ortasha sanatta boldy jáne qos taraptyń ymyraǵa kelýine, isti sotqa jetkizbeýge múmkindik beriletin. Endi bul sanattaǵy qylmys boıynsha mámilege kelýge tyıym salynady.

Jas balaǵa qatysty zorlaý nemese nápsiqumarlyq sıpattaǵy kúsh qoldaný áreketterin jasaǵany úshin (Qylmystyq kodekstiń 120-babynyń 4-bóligi, 121-baby) 20 jylǵa nemese ómir boıyna bas bostandyǵynan aıyrý jazasy ǵana kózdelgen. Jas balalardy óltirgeni úshin de osyndaı jaza beriledi. Endi pedofılııa faktilerin habarlamaǵany, jasyrǵany jáne burmalaǵany úshin (QK 416, 432, 434-baptary) jazanyń eń joǵary merzimi - 6 jylǵa deıin bas bostandyǵynan aıyrý.

Odan bólek, Prezıdent óz quttyqtaýynda Prezıdenttik jastar kadr rezerviniń jumysyn atap ótti. Bul arqyly Prezıdent bilimi ozyq, oıy ushqyr jastarǵa jaǵdaı jasap, jol ashatyndaryn aıtty.

25 jeltoqsanda Prezıdenttik jastar kadr rezervine engen 300 úzdik qazaqstandyqtyń tizimi jarııalandy. Prezıdent bastamasyna alǵashynda 13 myńnan astam qazaqstandyq qatysýǵa nıet bildirgen edi. Qatysýshylarǵa otyz bes jastan aspaǵan, joǵary bilimi jəne bes jyldan kem emes eńbek ótili bar Qazaqstan Respýblıkasynyń azamaty bolýy tıis degen talaptar qoıyldy.

Jeńimpazdar arasynda jeke sektordyń 106 ókili, kvazımemlekettik sektordyń 98 qyzmetkeri jáne 96 memlekettik qyzmetker bar. Kandıdattardyń 58% aldyńǵy qatarly sheteldik bilimi bar, 42% - qazaqstandyq JOO túlekteri. 6 adam ǵylym doktory, 204 adam - magıstr dárejesine ıe. Іrikteý jeńimpazdarynyń ortasha jasy 31-di qurady. Ulttyq komıssııanyń qaraýyna tańdalǵan úmitkerler qataryna túrli ult ókilderi bar, sonyń ishinde qazaqtar, orystar, ázerbaıjandar, armıandar, nemister jáne tatarlar bar.

Sonymen birge, Prezıdent 2020 jyly ótetin mereıtoılardy ysyrapshyldyqqa jol bermeı, mazmundy oı týdyratyn deńgeıde ótkizý qajettigin aıtty.

«Keler jyly Konstıtýtsııamyzdyń 25 jyldyǵyn atap ótemiz. Uly dalamyzdyń dańqty tarıhyn jan-jaqty dáripteýge erekshe kóńil bólip kelemiz. Abaıdyń, Ál-Farabıdiń mereıtoılaryna daıyndyq jumystaryn bastadyq. Altyn Ordanyń 750 jyldyǵyn memleket deńgeıinde atap ótetin boldyq. Sondaı-aq, Qazaqstan halqy Assambleıasynyń qurylǵanyna shırek ǵasyr tolady», - dedi Qasym-Jomart Toqaev.

2020 jyl Qazaqstanda Eriktiler jyly dep jarııalanǵan. 2019 jyldyń 27 tamyzynda Memleket basshysy 2020 jyldy Volonter jyly dep jarııalaý týraly Jarlyq shyǵardy. OSyǵan oraı, elimizde qazvolunteer.kz biryńǵaı volonterlik platforma óz jumysyn bastady.


Bizdiń kanalymyzǵa jazylyńyz:

Basty sózder: Qazaqstan Prezıdenti,
Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT