Prezıdenttiń qatysýymen Syrtqy ister mınıstrliginiń keńeıtilgen alqa májilisi bastaldy
2021 jylǵy 18 qarasha 15:05

Prezıdenttiń qatysýymen Syrtqy ister mınıstrliginiń keńeıtilgen alqa májilisi bastaldy

NUR-SULTAN. QazAqparat – QR Syrtqy ister mınıstrliginiń keńeıtilgen alqa otyrysy bastaldy. Jıynǵa Prezıdent Qasym-Jomart Toqaev qatysýda, dep habarlaıdy QazAqparat tilshisi.

Budan buryn habarlanǵandaı, QR Prezıdentiniń baspasóz hatshysy Berik Ýálı jelidegi paraqshasynda jıynda Qazaqstannyń qazirgi jaǵdaıdaǵy syrtqy saıasatynyń basym mindetteri men halyqaralyq qatynastardyń ózekti máseleleri qarastyrylatynyn aıtty.

Sondaı-aq Prezıdenttiń qatysýymen elimizdiń syrtqy saıası vedomstvosy jumysynyń qorytyndylary men aldaǵy jospary talqylanady.

«Bul basqosý Táýelsizdigimizdiń 30 jyldyq mereıli belesi qarsańynda ótýde. Osy tarıhı mejege biz tolaǵaı tabyspen jetip otyrmyz. Qazaqstan aımaqtyq jáne jahandyq úderisterge belsene qatysatyn bedeldi memleketke aınaldy. Elbasy Nursultan Ábishuly Nazarbaev syrtqy saıasatymyzdyń negizin qalady. Onyń tikeleı basshylyǵymen kásibı dıplomatııalyq qyzmet qurylyp, aýqymdy syrtqy saıası mindetter sheshimin tapty. Ásirese, memlekettik shekaramyzdyń tolyq bekitilýi teńdessiz tarıhı jetistik boldy jáne memleketimizdiń qaýipsizdigin kúsheıtýge aıryqsha yqpal etken sheshimge aınaldy», - dedi Prezıdent.



Avtor:
Tilshi

Jańalyqtar

MURAǴAT