+7 (701) 759 90 19
USD 427.91 EUR 506.9
RUB 5.6 CNY 64.17
Jańalyqtar

Prezıdenttiń kadr rezervine úmitker 400 jas fınal aldyndaǵy kezeńde baq synaýda

2019 jylǵy 4 jeltoqsan 11:54
Bólisińiz:
Prezıdenttiń kadr rezervine úmitker 400 jas fınal aldyndaǵy kezeńde baq synaýda

NUR-SULTAN. QazAqparat - Prezıdenttik jastar kadr rezervine irikteý aıaqtalýǵa jaqyn qaldy. Qazir úmitkerler fınal aldyndaǵy kezeńnen ótip jatyr, dep habarlaıdy QazAqparat Memlekettik qyzmet isteri agenttigine silteme jasap.

Uqsas jańalyqtar

Іrikteýge qatysýshylar Sarapshylar komıssııasynda áńgimelesý kezeńinde. 27 qarasha - 12 jeltoqsan aralyǵynda ótetin atalǵan kezeńge 400 úmitker ótti.

«Sarapshylyq komıssııa turaqty jáne turaqty emes múshelerden turady. Onyń quramynda Prezıdent Ákimshiliginiń, Memlekettik qyzmet isteri agenttiginiń, QR Prezıdenti janyndaǵy Memlekettik basqarý akademııasynyń jáne «Samuryq-Qazyna» AQ korporatıvtik ýnıversıtetiniń ókilderi bar. Úmitkerlerdi baǵalaý quqyǵynsyz barlyq úderisterdiń obektıvtiligin syrtqy baqylaýshylar retinde Danııar Áshimbaev, Artýr Platonov, Nurbek Saıasat, Asqar Omarov jáne Marat Bashımov, sondaı-aq Azııa damý bankiniń ókili shaqyryldy» delingen habarlamada.

Memlekettik qyzmet isteri agenttiginiń tóraǵasy Anar Jaıylǵanovanyń aıtýynsha, aldyńǵy kezeńderdegideı áńgimelesýde barynsha ashyqtyq qamtamasyz etilgen.

«Komıssııa músheleri úmitkerlerdi onlaın-júıede baǵalaıdy. Ol kelesi túrde iske asyrylady. Komıssııanyń árbir múshesi qatysýshymen áńgimelesýden keıin sol mezette úmitkerge birden beske deıingi shkala boıynsha óziniń baǵasyn qoıady. Baǵalaýdy júrgizý úshin árbir belgilengen shkalanyń tıisti ólshemderi men deskrıptorlary ázirlendi. Olar boıynsha ol (komıssııa múshesi – esk.) baǵalaýdy qoıady, sodan keıin baǵa avtomatty túrde bazaǵa túsedi jáne generatsııalanady. Osylaısha, baǵalaý úderisi 2-3 sekýndtan aspaıdy. Basqasha aıtqanda, komıssııanyń barlyq músheleri onlaın baǵa engizgennen keıin, olar birden bazaǵa túsedi. Eń bastysy, baǵany túzetýge eshqandaı múmkindik joq», - dedi A. Jaıylǵanova.

A.Jaıylǵanova sondaı-aq komıssııa músheleri áńgimelesýdiń nátıjelerin daýystap talqylamaıtynyn, sonyń arqasynda komıssııanyń basqa múshelerine óz pikirimen yqpal etý múmkindigi joıylatynyn aıtty.

Onlaın-júıede árbir komıssııa múshesiniń baǵalaýy negizinde úmitkerdiń jalpy ortasha baǵasyn shyǵarýdyń qarapaıym formýlasy qoldanylady. Aǵymdaǵy kún ishinde áńgimelesýler aıaqtalǵannan keıin komıssııa hatshysy–júıe ákimshisi hattamany dereý basyp shyǵarady jáne Komıssııanyń árbir múshesi óziniń baǵalaýynyń durystyǵyna kóz jetkizýge múmkindigi bar jáne olardy qoltańbasymen kýálandyrady.

«Sonymen qatar, protsesterdiń obektıvtiligine eshkimniń kúmáni bolmaýy úshin sol kúni úmkiterlerdiń jeke kabınetterinde derekter jarııalanýda. Sarapshylyq komıssııasynda áńgimelesýdi qosa alǵanda, árbir aldyńǵy kezeńder boıynsha úles salmaǵyn eskere otyryp, úmitkerlerdiń jalpy reıtıngi barlyq kandıdattar áńgimelesý kezeńinen ótkennen keıin pkrezerv.kz saıtynda qoljetimdi bolady», - dep habarlady MQІA tóraǵasy.

Qoǵam qaıratkeri, Parlament Májilisiniń depýtaty Artýr Platonov áńgimelesýde kórgenderin oń baǵalady.

«Merıtokratııa qaǵıdatyn, árkimge qabileti boıynsha qaǵıdatyn saqtaý – ol saqtalady, mende kúmán týdyrmaıdy. Birinshiden, munyń bári ashyq, munyń bári adal. Maǵan komıssııa músheleriniń 7 mınýttyq ınterval ishinde kandıdatty barynsha ashý, onyń bilim deńgeıin, oı-órisin, oılaý qabiletin anyqtaýǵa kómektesýge degen talpynystary unady. Qatysýshylardyń munyń bári adal jáne ashyq ekenin, bul protsesti baqylap otyrǵanyn kórip otyrǵany óte mańyzdy. Nege bul sonshalyqty mańyzdy? Óıtkeni bul adamdardyń kásibıligi men parasat deńgeıinen eldiń odan ári bolashaǵy baılanysty bolady. Olardyń adamgershilik qasıetteriniń deńgeıinen halyq múddesi úshin qoıylǵan mindetter qalaı adal oryndalatyndyǵy baılanysty bolady. Adamgershiligi joqtardyń (adamdardyń-esk.) tipti joǵary deńgeıdegi bilimi, ol paıda ákelmeıdi, keıde qaýipti. Men úmitkerlerdiń memlekettik mindetterdi sheshýi tıis ekenin túsinetinine nazar aýdardym», - dedi ol.

Artýr Platonovtyń aıtýynsha, qatysýshylar - parasatty jáne maqsatker, bilimdi adamdar.

«Birinshiden, biz, árıne, jańa formatsııa býynyn qura aldyq, olar meniń oıymsha, el basshylyǵy qoıǵan strategııalyq mindetterdi tıimdi jáne qarqyndy oryndaı alady»,-dep atap ótti ol.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Úmbet Sholpan
Úmbet Sholpan
954-059

MURAǴAT