Prezıdenttiń Іs basqarýshysy TRK qyzmetkerlerin jýrnalıster kúnimen quttyqtady
2022 jylǵy 27 maýsym 19:01

Prezıdenttiń Іs basqarýshysy TRK qyzmetkerlerin jýrnalıster kúnimen quttyqtady

NUR-SULTAN. QazAqparat – QR Prezıdenti Іs basqarmasynyń basshysy Aıbek Dádebaev Qazaqstan jýrnalısteriniń kásibı merekesi - buqaralyq aqparat quraldary qyzmetkerleri kúni qarsańynda Prezıdent teleradıokesheniniń qyzmetkerlerimen kezdesti, dep habarlaıdy QazAqparat tilshisi.

Aıbek Dádebaev Memleket basshysynyń jumysyn, qoǵamdyq-saıası jáne áleýmettik-ekonomıkalyq salalardy odan ary jańǵyrtý baǵytynda bergen tapsyrmalary men bastamalaryn júzege asyrý barysyn aqparattyq qoldaýdaǵy teleradıokeshenniń róli mańyzdy ekenin basa aıtty.

TRK bas dırektory Raýshan Qajybaeva teleradıokeshendi jańǵyrtý nátıjesi jaıynda aıtyp berdi.

Bıyl TRK quramyna «QazAqparat» halyqaralyq aqparat agenttigi, «Kazakh TV» halyqaralyq spýtnıktik telearnasy jáne Kaztube ulttyq vıdeo-hostıngi kirdi.

Qazirgi ýaqytta QR Prezıdentiniń Teleradıokesheni otandyq jáne halyqaralyq aqparattyq keńistikte qyzmet atqaratyn tolyqqandy iri qazaqstandyq medıa-kompanııaǵa aınaldy.

Kezdesý barysynda TRK qyzmetkerleri QR Prezıdenti Іs basqarmasynyń bastysy Aıbek Dádebaevpen emen-jarqyn áńgimelesip, ózderin tolǵandyrǵan saýaldarǵa tolyqqandy jaýap aldy.

Atap aıtqanda, áleýmettik-eńbek máseleleri, áleýmettik kepildikter men jeńildik berý, qyzmetkerlerdiń múddesin qorǵaý, TRK qyzmetkerlerin kásibı turǵyda ilgeriletý jaıttary talqyǵa tústi.

Kezdesý sońynda Aıbek Dádebaev TRK ujymyn kásibı merekesimen quttyqtap, QR Prezıdenti Іs basqarmasy atynan alǵys hat tabystady.


Jańalyqtar

Úrdis

MURAǴAT