+7 (701) 759 90 19
USD 376.51 EUR 418.91
RUB 6.13 CNY 54.90
Jańalyqtar

Prezıdenttiń Germanııaǵa sapary strategııalyq seriktestiktiń jańa baǵyt-baǵdaryn aıqyndady - Ásel Nazarbetova

2019 jylǵy 8 jeltoqsan 00:27
Bólisińiz:
Prezıdenttiń Germanııaǵa sapary strategııalyq seriktestiktiń jańa baǵyt-baǵdaryn aıqyndady - Ásel Nazarbetova

NUR-SULTAN. QazAqparat – QR Prezıdenti janyndaǵy Qazaqstan strategııalyq zertteýler ınstıtýty halyqaralyq zertteýler bóliminiń basshysy Ásel Nazarbetova Prezıdent Qasym-Jomart Toqaevtyń Germanııaǵa sapary týraly pikir bildirdi, dep habarlaıdy QazAqparat.

«Aptanyń erekshe mańyzdy oqıǵasy retinde Memleket basshysy Qasym-Jomart Toqaevtyń Germanııa Federatıvtik Respýblıkasyna resmı saparyn aıtýǵa bolady. Bul sapardyń ereksheligi – Germanııanyń joǵary deńgeıde damyǵan elder qatarynda turýy, qazirgi álemdik ekonomıkadaǵy bıik turaqty orny jáne halyqaralyq saıasattaǵy bedeli men sheshýshi róli. Osyndaı memlekettiń Qazaqstandy Ortalyq Azııa aımaǵyndaǵy senimdi strategııalyq seriktesi retinde qaraýy – biz úshin óte mańyzdy. Qazaqstan úshin Germanııa Eýroodaqtaǵy negizgi saýda-ekonomıkalyq seriktes, 2018 jyldyń qorytyndysy boıynsha ózara taýar almasý kólemi 5,2 mlrd eýrony qurady», - deıdi sarapshy.

Onyń aıtýynsha, Prezıdenttiń bul saparynyń joǵary deńgeıin Federaldyq kantsler Angela Merkelmen, Federaldyq prezıdent Frank-Valter Shtaınmaıermen, eks-kantsler Gerhard Shredermen, eks-prezıdent Horst Kelermen, Qaýipsizdik jónindegi Mıýnhen konferentsııasynyń tóraǵasy Volfgang Ishıngermen bolǵan kezdesýler aıqyndaıdy. Barlyq kezdesýler barysynda ekijaqty yntymaqmastyqtyń búgingi jaı-kúıi jáne keleshegi, ony jańa deńgeıge kóterý múmkindikteri, osy baǵyttaǵy QR Prezıdenti Q.Toqaevtyń naqty usynystary talqylandy.

«Ótken sapar barysynda basa mán berilgen jaǵdaı – eki eldiń iskerlik baılanystaryn ilgeriletý, jaqsartý jáne tereńdetýge baǵyttalǵan nemis bıznesiniń ókilderimen, jetekshi iri kompanııalardyń basshylarymen uıymdastyrylǵan kezdesýler. Aıta keterligi, Germanııamen dıplomatııalyq qarym-qatynas 1992 jyldyń 11 aqpanynda ornatylǵan. Sol ýaqyttan bastap Qazaqstanǵa alǵashqy nemis kásipkerleri kele bastady. Búginde elimizde nemis tarapynyń qatysýymen 1300 birlesken fırma bar. 1994 jyly German ekonomıkasynyń ókildigi qurylsa, qazir quramynda 110 múshesi bar Qazaqtandaǵy German ekonomıkasynyń odaǵy qyzmet atqarýda», - dedi Ásel Nazarbetova.

Sondaı-aq Memleket basshysy Germanııaǵa sapary barysynda Elbasy N.Nazarbaevtyń «Eýropaǵa jol» baǵdarlamasy aıasynda 2012 jyly qurylǵan Berlın eýrazııalyq klýbynyń 28-otyrysyna qatysty. Berlın eýrazııalyq klýby – Qazaqstan men Germanııa arasyndaǵy keń aýqymdy qoǵamdyq-saıası máselelerdi talqylaýǵa baǵyttalǵan, jyl saıyn ótkizilip turatyn suhbat alańy.

«Klýbtyń 28-otyrysyna 250-den asa GFR isker toptary, iri jáne orta bıznes ókilderi, bedeldi saıasatkerler men uzaq jyldar Qazaqstandy zertteýmen aınalysatyn sarapshylar qatysty. Osy jolǵy otyrystyń taqyryby «Qazaqstan jáne Germanııa – ekonomıkalyq yntymaqtastyqtyń jańa kezeńi» dep atalýynyń ózi ekijaqty qatynastarǵa jańa serpin men úlken úmit artylyp otyrǵandyǵyn, taraptardyń oǵan nıettiligin ańǵartady. Qazaqstan Prezıdenti Q. Toqaev óz sózinde Germanııadan elimizge ınvestıtsııa men kásipkerlerdi tartý, olarǵa qolaıly jaǵdaılar týǵyzý máselerine tereń toqtalyp ótti. Jalpy alǵanda, Memleket basshysynyń Germanııaǵa resmı sapary strategııalyq seriktestiktiń jańa baǵyt-baǵdaryn aıqyndady, eki jaqqa da tıimdi yntymaqtastyń jańa múmkindikteri barlyǵyn kórsetti», - deıdi Á. Nazarbetova.

Aıta keteıik, «Kazakh Invest» ulttyq kompanııasynyń málimeti boıynsha, Qazaqstan Prezıdentiniń Germanııaǵa sapary barysynda jalpy quny 2,4 mlrd dollardy quraıtyn 30 ekonomıkalyq qujatqa qol qoıylǵan.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT