+7 (701) 759 90 19
USD 431.03 EUR 471.76
RUB 5.85 CNY 61.32
Jańalyqtar

Prezıdenttiń Eýropaǵa alǵashqy saparyn Germanııadan bastaýy mańyzdy - sarapshy

2019 jylǵy 7 jeltoqsan 15:56
Bólisińiz:
Prezıdenttiń Eýropaǵa alǵashqy saparyn Germanııadan bastaýy mańyzdy - sarapshy

NUR-SULTAN. QazAqparat – Prezıdent Qasym-Jomart Toqaevtyń Germanııaǵa sapary Qazaqstan ekonomıkasyn jaqsartýǵa, ártaraptandyrýǵa múmkindik beredi. Bul pikirdi QR Prezıdenti janyndaǵy Qazaqstan strategııalyq zertteýler ınstıtýtynyń dırektory Zarema Sháýkenova aıtty, dep habarlaıdy QazAqparat.

Uqsas jańalyqtar

«5-6 jeltoqsan kúnderi Memleket basshysy Qasym-Jomart Toqaev resmı saparmen Germanııa Federatıvtik Respýblıkasyna bardy. Bul sapar Qazaqstannyń syrtqy saıası basymdyqtarynyń biri sanalatyn Eýropalyq odaqqa alǵashqy resmı sapardyń Germanııaǵa jasalýymen erekshelenedi. Germanııa – Eýropalyq odaqtyń eń iri memleketi, ekonomıkalyq áleýeti jaǵynan tórtinshi oryn alatyn, álemdik saıasattyń bedeldi aktory jáne EO-ǵa múshe memleketter ishinde Qazaqstannyń negizgi saýda-ekonomıkalyq seriktesi bolǵandyqtan, elimiz úshin Prezıdent Q.Toqaevtyń resmı sapary men onyń nátıjeleri, jasalǵan kelissózder men ýaǵdalastyqtar úlken mańyzǵa ıe», - deıdi sarapshy QazAqparat tilshisine bergen suhbatynda.

Resmı sapar barysynda Prezıdent Federaldyq kantsler Angela Merkelmen, Federaldyq prezıdent Frank-Valter Shtaınmaıermen, eks-kantsler Gerhard Shredermen kezdesti. Joǵary deńgeıdegi kezdesýler barysynda Qazaqstan-Germanııa baılanystaryn jandandyrýǵa jáne strategııalyq ekonomıkalyq seriktestik ornatý perspektıvalaryna, ekijaqty yntymaqtastyqtyń aıasyn keńeıtý men iskerlik baılanystardy nyǵaıtý múmkindikterine basa mán berildi.

Sonymen birge, Germanııaǵa sapar aıasynda Memleket basshysy nemis bıznesiniń ókilderimen, jetekshi iri kompanııalardyń basshylarymen kezdesti, Berlın eýrazııalyq klýbynyń 28-otyrysyna qatysty. Onda Prezıdentimiz GFR isker toptaryna, bedeldi saıasatkerler men sarapshylaryna Germanııadan elimizge ınvestıtsııa men kásipkerlerdi tartyp, bıznes ókilderiniń ózderin qaýipsiz sezinip, tabysty damýy úshin erekshe jaǵdaı jasaýǵa daıyndyǵymyzdy, bizdiń negizgi strategııamyzdyń – elimizge tartylatyn ınvestıtsııalardy ártaraptandyrý ekendigin, ınvestıtsııa turǵysynan Germanııanyń negizgi strategııalyq seriktesi bolǵymyz keletin jetkizdi.

«Qazaqstan men Germanııa arasyndaǵy ekijaqty qatynastyń Tuńǵysh Prezıdent – Elbasy N. Nazarbaevtyń kezinen berik yntymaqtastyq retinde qalyptasqanyn, Memleket basshysy Q.Toqaevtyń alǵashqy resmı saparynyń joǵary deńgeıde ótkenin, túrli top ókilderimen kezdesý barysynda Qazaqstanǵa qyzyǵýshylyq pen múddeliliktiń baıqalǵanyn, kelissózderdiń nátıjeli bolǵanyn eskere otyryp, eki el arasyndaǵy yqpaldastyqtyń jańa deńgeıge kóteriletinine, sol arqyly Qazaqstan ekonomıkasyn jaqsartýǵa, ártaraptandyrýǵa qosymsha múmkindikter týatynyna senimdimiz», - dedi Zarema Sháýkenova.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT