Prezıdenttiń Almatydaǵy tapsyrmalary qoǵamnyń muń-muqtajyna der kezinde jaýap berdi – Dáýren Abaev

NUR-SULTAN. QazAqparat – QR Aqparat jáne damý mınıstri Dáýren Abaev QR Prezıdentiniń Almatyny abattandyrý týraly tapsyrmalaryna pikir bildirdi, dep habarlaıdy QazAqparat.

Uqsas jańalyqtar

Dáýren Abaev: «Álem barysy» qazaq kúresin Olımpıada oıyndaryna qosý jolyndaǵy aýqymdy jobalardyń biregeıi

Dáýren Abaev Reseı men Qazaqstan jastary kóshbasshylary forýmynyń jabylý saltanatyna qatysty Dáýren Abaev nesıe týraly: Bankter halyqtyń tólem qabiletin muqııat tekserýi tıis Elbasy Prezıdent jumysyna aralaspaıdy - Dáýren Abaev eldegi «qos bılik» qaýeseti týraly

«Munda qala qurylysy máselelerine erekshe kóńil bólindi dep oılaımyn. Onyń sebebi, Qasym-Jomart Kemeluly Almatyda týyp-ósken, jumys istegen jáne qalanyń tarıhymen, negizgi máselelerimen jaqsy tanys. Sondyqtan, Prezıdenttiń ońtústik astananyń ózekti máselelerin bilýi qalypty jaıt», - dedi mınıstr «Habar» arnasyndaǵy «Ashyq dıalog» baǵdarlamasynda.

Onyń aıtýynsha, eń aldymen Prezıdenttiń ekologııalyq jaǵdaıdy jaqsartý tapsyrmalary mańyzdy.

«Qala basshylyǵy aldynda JES pen qoǵamdyq kólikti gazǵa aýystyrý mindeti tur. Almatylyqtar úshin bul – óte ózekti máselelerdiń biri. Ekinshiden, kóshi-qon polıtsııasy organdarynda sheteldikterdi mindetti tirkeýdi alyp tastaý búkil elimizge qatysty jańalyq boldy. Bul ábden pisip-jetilgen sheshim edi. Onyń artyqshylyǵy óte kóp. Kez kelgen qaǵazbastylyq protsedýradan arylý týrıster men ınvestorlardyń kóbeıýine yqpal etedi», - dedi D. Abaev.

Úshinshiden, Prezıdenttiń mas júrgizýshilerdi qatań jazalaý tapsyrmasy ózekti bolyp otyr.

«Qoǵam bul máseleni uzaq ýaqyttan beri kóterip keldi, halyq ádildikti, qylmys pen jazanyń saı bolýyn talap etti. Jalpy, bul tapsyrmalardy qoǵamnyń muń-muqtajyna der kezinde qulaq asý dep baǵalaǵan jón. «Halyq únine qulaq asatyn memleket» ustanymy – osy», - dedi mınıstr.

Eske sala ketsek, 29 qazanda Memleket basshysy Qasym-Jomart Toqaev Almaty qalasyna eki kúndik jumys sapary barysynda birqatar máselelerge qatysty tapsyrmalar bergen bolatyn.