+7 (701) 759 90 19
USD 420.67 EUR 510.99
RUB 5.58 CNY 64.92
Jańalyqtar

Prezıdenttik rezervke irikteý álsiz tustarymdy túsinýge múmkindik berdi - Nurbek Serikov

2020 jylǵy 7 tamyz 22:27
Bólisińiz:
Prezıdenttik rezervke irikteý álsiz tustarymdy túsinýge múmkindik berdi - Nurbek Serikov

NUR-SULTAN. QazAqparat - «Turǵyn úı-kommýnaldyq sharýashylyqty jańǵyrtý jáne damytýdyń qazaqstandyq ortalyǵynyń» AQ Basqarma Tóraǵasynyń orynbasary Nurbek Serikov Prezıdenttik kadrlyq rezervine irikteýge qatysý óziniń kúshti jáne álsiz tusyn túsinýge múmkindik bergenin aıtty, dep habarlaıdy QazAqparat tilshisi.

«Bastapqyda Prezıdenttiń jastar kadrlyq rezervin tańdaýǵa qatysý týraly oıym bolǵan joq. Áriptesterim maǵan baǵymdy synap kórý týraly keńes berdi. Sońǵy kún qalǵanda qujattarymdy jınap, ótinish berdim. Tapsyrmalar qıyn boldy. Az ýaqytta suraqtarǵa tez jaýap berýiń kerek. Bastapqyda suraqtar qandaıda bir zańdar týraly bolady dep oıladyq. Sóıtsek, alǵan bilim, ómirlik tájirıbe, logıkańdy synaıdy eken. Tapsyrmalardan sátti ótip otyrdym», - deıdi Nurbek Serikov.

Ol bastapqyda irikteýden ótetinine senbegenin aıtty.

«Shynymdy aıtsam, men eshteńege senbedim. Áriptesterim nátıjelerdi únemi qadaǵalap otyrdy, men nátıje qalaı bolyp jatqanyn solardan surap anyqtap otyrdym. Árıne, men qatty qýandym, sebebi alda ne kútip turǵanyn bilmegen edim. Іrikteýden ótken rezervısterdiń tiziminde bolý kóńilge qýanysh syılaıdy eken. Bul men úshin oń nátıje boldy», - deıdi ol.

Buǵan deıin Nurbek Serikov Qurylys jáne turǵyn úı isteri komıtetinde kommýnaldyq sharýashylyq bóliminiń bastyǵy bolǵan.

«Bul - Indýstrııa mınıstrliginiń janyndaǵy komıtet. Osydan keıin meni «Qazaq» AQ tóraǵasynyń orynbasary etip taǵaıyndady. Negizinde, bul da sol salaǵa jaqyn.Osy baǵytta jumysty jalǵastyra bergenime óte qýanyshtymyn. Jumystyń formaty sál ózgeshe, jandanǵan jumys dese bolady. Men memlekettik qyzmette jumys istedim. Biz TKSh sektoryna ádistemelik qoldaý kórsetemiz. Birinshi kúnnen bastap-aq normatıvtik-quqyqtyq aktilerdi ázirleý týraly kelisimge qol qoıdyra bastadym. Menen barlyq normatıvtik aktilerge ýaqytyly qol qoıdyrýdy kútken edi jáne ony oıdaǵydaı oryndadym«, - deıdi Nurbek Serikov.

Onyń aıtýynsha, qazirgi ýaqytta mamandardyń biliktiligin arttyrý boıynsha jumys istep jatyr.

«EUÝ-men memorandýmǵa qol qoıyp, baǵdarlamany bekittik. Jumysta qajet bolatyn barlyq bilim bazalaryn úıretemiz. Tamyz aıynda birinshi topty oqytýdy josparlap otyrmyz. Rezervıstermen jumys basynan bastap júrgiziledi. Kúshti jáne álsiz tusymyzdy kórsetti. Semınarlar ótkizdi, sondaı-aq jobalyq keńselerge, topta jumys isteýge shaqyrdy. Jumys barysy jaqsy ótýde. Bizde ár alýan kontıngent bar, ár oblysta ne bolyp jatqanyn bilý - qyzyqty», - deıdi ol.

Nurbek Serikov irikteý kezinde júrgizilgen baǵalaý onyń kúshti jáne álsiz tusyn aıqyndap bergenin aıtty.

«Shynymdy aıtsam, irikteý kezinde júrgizilgen baǵalaý meniń kúshti jáne álsiz tustarymdy aıqyndap berdi. Meniń túsinýimshe, keı baǵyt boıynsha bilimimdi arttyra túsý kerek bolsa, keı baǵyt boıynsha mashyǵymdy jetildire túsýim kerek. Bizdiń elde jan-jaqty adamdar kóp, sondyqtan elimizdi órkendetýge jáne damytýǵa daıyn shaǵyn qaýymdastyq paıda boldy. Budan basqa, turǵyn úı-kommýnaldyq sharýashylyq týraly keńirek túsinik alý úshin basqa profılde jumys isteý múmkindigi bar. Bul - óte qyzyq», - deıdi ol.


Bizdiń kanalymyzǵa jazylyńyz:

Bólisińiz:

Avtor:

Zarına Qaharman

Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT