+7 (701) 759 90 19
USD 376.16 EUR 406.18
RUB 5.90 CNY 53.60
Jańalyqtar

Prezıdenttik kadrlyq rezerv jastarǵa da, memleketke de qolaıly – Oljas Sákenov

2020 jylǵy 20 qańtar 13:20
Bólisińiz:
Prezıdenttik kadrlyq rezerv jastarǵa da, memleketke de qolaıly – Oljas Sákenov

NUR-SULTAN. QazAqparat – Prezıdenttik kadrlyq rezerv baǵdarlamasy jastarǵa da, memleketke de qolaıly. Mundaı pikirdi Prezıdenttik jastar kadrlyq rezerviniń múshesi Oljas Sákenov bildirdi, dep habarlaıdy QazAqparat tilshisi.

Uqsas jańalyqtar
Kadrlyq rezerv ókili BQO-da basshylyq qyzmetke taǵaıyndaldy Túrkistan oblysynda 20-ǵa jýyq maman Prezıdenttiń kadr rezervine alynǵan Jambylda Prezıdent kadr rezerviniń ókili basqarma basshysy bolyp taǵaıyndaldy

«Prezıdenttik kadrlyq rezerv baǵdarlamasynyń máni erekshe. Bul bastama jastarǵa da, memleketke de qolaıly. Óıtkeni memlekettik qyzmetke kelgen jastar, jańa býyn júıege qandaı da bir jańalyq engizetini belgili. Ásirese, jeke sektor turǵysynan alǵanda tyń serpin bermek. Máselen, kadrlyq rezervke engen jastardyń 30 paıyzǵa jýyǵy jeke sektorda, halyqaralyq kompanııalarda jumys istegen nemese áli kúnge deıin sonda jumys isteıdi. Alda-jalda olar memlekettik qyzmetke kelip jatsa, tájirıbesi men biliktiligin elimizdiń erteńi, halqymyzdyń bolashaǵy jolyna arnamaq. Al jastarǵa kelsek, baǵdarlamanyń olarǵa da paıdaly ekeni anyq. ıAǵnı, biz jeke ıdeıalarymyzdy usynyp, tájirıbemizben bólisýge zor múmkindik týdy. Sondaı-aq bastamany «áleýmettik lıft» retinde de qarastyrýǵa bolady. Joǵary laýazymǵa jetý úshin memlekettik qyzmette eńbek ótili qajet. Al kadrlyq rezerv arqyly birden basqarýshylyq laýazymǵa taǵaıyndalýǵa jaǵdaı jasalǵan. Osy arqyly salaǵa qandaı da bir ózgeris engizýge múmkindik týady. Bul rezervke engen jastardyń aldaǵy jumys mansabyna oń yqpal etetini anyq», - dedi ol.

Jas maman Prezıdenttik kadrlyq rezervke synaq birneshe kezeńnen turǵanyn aıtady.

«Onyń tórteýi onlaın rejimde júrgizildi. Ekeýinde sarapshylarmen betpe-bet kezdesip, áńgimelestik. Bul – buryn-sońdy bolmaǵan tájirıbe dep oılaımyn. Óıtken Memlekettik basqarý akademııasy, sondaı-aq Talantıs, SHL degen dúnıejúzine málim kompanııalardyń jınaǵan ádistemesin paıdalanyp, mundaı shynaıy túrde baǵalaý óte tıimdi bolǵany anyq. Synaq kezinde men úshin SHL tarapynan ázirlengen suraqtar ońaıǵa soqqan joq. Óıtkeni olarǵa muqııat ázirlený qajet. Sonymen qatar bir mınýt ishinde suraqqa jaýap berý de jeńil tapsyrma emes. Alaıda osyndaı qıyndyqqa qaramastan, bárin sátti tapsyryp shyqtym», -dedi Oljas Sákenov.

Oljas Sákenov ótken aptada rezervke engen jastar Memleket basshysy Qasym-Jomart Toqaevpen kezdeskenin, sol jıynnan kóp nárse túıip shyqqanyn basa aıtty.

«Memleket basshysynyń sózinen túıgenim, Prezıdenttiń kadrlyq rezervi jobasy bir rettik qana joba emes. Jalpy, búkil saıası júıeni, memlekettik qyzmetti ózgertetin jobalardyń legi ǵana. Ondaı ózgerister áli de bolady. Bul – ózgeristerdiń basy ǵana. Sondyqtan osyndaı ózgeristerdiń bolǵanyna, reformalar jasaýdy qoldaımyn. Óıtkeni rezervke engen jastardyń árqaısy óz salalarynda qandaıda bir ıdeıalar men ózgerister engizýge septigin tıgizedi. Jalpy, zamandastaryma aıtarym. jastarǵa qazirgi zamanda óte kóp múmkindik bar. Solardy jiberip almaý kerek. Kez kelgen jobaǵa qatysyp, óz kúshińizdi synaǵyńyz kelse, biliktiligińiz ben bilimińizdi baıqap kórýdi kózdeseńiz, jobalarǵa mindetti túrde qatysyńyz. Mundaı qadam sizge jaqsy áser tıgizetini anyq. Tipti irikteýden óte almasańyz da, kókjıegińiz keńeıedi»,- dedi jas rezervshi.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT