Prezıdenttik kadr rezervine úmitkerlerge qoıylatyn talap kúsheıtildi

NUR-SULTAN. QazAqparat - Qazaqstan Prezıdenti Memlekettik qyzmet isteri agenttiginiń tóraǵasy Anar Jaıylǵanovany qabyldady, dep habarlaıdy QazAqparat Aqordanyń resmı saıyna silteme jasap.

Uqsas jańalyqtar

QR Prezıdenti: Májilistiń jańa quramy halyqtyń ál-aýqatyn jaqsartýǵa basa kóńil bólýi tıis

QR Prezıdenti Premer-Mınıstrdi taǵaıyndaýǵa qatysty: Pikirtalas ashyq ári aıqyn boldy

Memleket basshysyna Agenttiktiń bıylǵy atqarǵan qyzmetiniń negizgi qorytyndylary jáne Prezıdent tapsyrmalarynyń oryndalýy týraly esep berildi.

Qasym-Jomart Toqaevqa 2021 jyldyń basynda ótetin Prezıdenttik kadr rezerviniń ekinshi irikteýine daıyndyq jumystary týraly aqparat berildi. Іrikteýden 50 adam ótedi. Anar Jaıylǵanova úmitkerlerge qoıylatyn krıterııler men biliktilik talaptarynyń kúsheıtilgeni týraly aıtty. Rezervti jasaqtaý kezinde qoǵamdyq múddelerdi negizge alatyn tulǵalarǵa basymdyq berilip, ózgerister jóninde naqty tájirıbesi bar zamanaýı basshylardy anyqtaýǵa mán beriledi.

Memleket basshysy eń úzdik úmitkerlerdi tańdaý úshin irikteý jumystaryn sapaly ári ashyq ótkizýdiń mańyzdy ekenin atap ótti.

Sonymen qatar Agenttik tóraǵasy memlekettik qyzmetke irikteý júıesin jetildirý isine de toqtaldy. Onyń aıtýynsha, osy baǵyt aıasynda basshylyq jáne atqarýshylyq qyzmetterge qoıylatyn quzyretterdi anyqtaý úshin testileý emes, suhbat ótkizý usynylyp otyr. Bul irikteýdiń sapasyn arttyrýǵa múmkindik beredi.

Prezıdentke memlekettik apparatty qysqartý, memlekettik saıası qyzmetti kásibılendirý, memlekettik basqarý úderisin tsıfrlandyrý jónindegi jumystar týraly da baıandaldy.

Qasym-Jomart Toqaev Anar Jaıylǵanovaǵa Agenttik jumysynyń negizgi baǵyttary boıynsha tapsyrmalar berdi.