+7 (701) 759 90 19
USD 439.01 EUR 474.61
RUB 5.75 CNY 61.91
Jańalyqtar

Prezıdenttik kadr rezervi jeńimpazdaryna bilimderin dáleldeıtin sát keldi – Dáýren Abaev

2020 jylǵy 16 qańtar 23:03
Bólisińiz:
Prezıdenttik kadr rezervi jeńimpazdaryna bilimderin dáleldeıtin sát keldi – Dáýren Abaev

NUR-SULTAN. QazAqparat – QR Aqparat jáne qoǵamdyq damý mınıstri Dáýren Abaev Prezıdenttik kadr rezervi qatysýshylarymen qalaı kezdeskenin aıtyp berdi, dep habarlaıdy QazAqparat tilshisi.

Uqsas jańalyqtar
«Birgemiz» qory barlyq shyǵyndar týraly esep beredi Karantın talaptaryn buzǵandarǵa aıyppul salynyp, 15 táýlikke qamalýy múmkin Qazaqstanda koronavırýstan bir áıel kóz jumdy

«Shyn máninde naǵyz úzdik irikteý boldy dep aıta alamyn. Ótinim bergen 13 myń adamnyń arasynan úzdik 300 adam tańdaldy. Mundaı kórsetkish Prezıdent bastamasynyń jastar arasynda suranysqa ıe ekenin kórsetti. Biraq, bul – áli bastamasy ǵana. Endi bul qatysýshylar «naǵyz maıdanda» óz bilimderin dáleldeýi tıis. Meniń bilýimshe, 55 adam jańa qyzmetke taǵaıyndaldy, jyl sońyna deıin taǵy júzge jýyq qatysýshy túrli qyzmetke tartylady», - dedi ınıstr «Habar» arnasyndaǵy «Ashyq dıalog» baǵdarlamasynda.

Mınıstrdiń aıtýynsha, memleket mundaı qadammen kadrlyq jetispeýshilikti toltyryp jatqan joq, jastar úshin tıimdi áleýmettik lıft qalyptastyrýdy kózdep otyr.

«Bul – memlekettik basqarý júıesindegi qurylymdyq ózgerister men jańǵyrtýlardyń naqty jolbasshysy. Prezıdentpen kezdesýden keıin meniń áriptesterim kadr rezerviniń múshelerin óz beıinderi boıynsha qabyldady. Men de mınıstrligimizdiń beıinimen baılanysty qatysýshylarmen kezdestim. Bizdiń áńgimemiz óte baısaldy boldy. Men ynta-yqylasy zor, shyǵarmashylyq oılary bar qarapaıym jastardy kórdim. Bul balalardy óz qatarymyzǵa qosýdy josparlap otyrmyz», - dedi D. Abaev.

Aıta keteıik, kúni keshe Memleket basshysy Qasym-Jomart Toqaev Aqordada Prezıdenttiń kadr rezervine engen 300 jaspen kezdesken edi.

2019 jyly ulyqtaý rásiminde Memleket basshysy Qasym-Jomart Toqaev Prezıdenttik kadr rezervi qurylatynyn málimdedi. Al sol jyldyń tamyz aıynyń sońynda Q.Toqaevtyń Jarlyǵymen QR Prezıdentiniń janyndaǵy Jastar kadr rezervi jónindegi ulttyq komıssııa quryldy. Qyrkúıek aıynda Prezıdenttiń jastar kadr rezervine ótinim qabyldaý bastaldy.

Búginde Prezıdenttiń jastar kadr rezervine engen 300 qazaqstandyq anyqtalǵan. Jeńimpazdardyń ortasha jasy - 31.

Joba jeńimpazdarynyń tolyq tizimin Prezıdenttik jastar kadr rezerviniń resmı saıtynan kórýge bolady.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT