+7 (701) 759 90 19
USD 375.87 EUR 406.24
RUB 5.84 CNY 53.45
Jańalyqtar

Prezıdenttik kadr rezervi jastar úshin áleýmettik lıftige aınaldy - Erkebulan Boranbaev

2020 jylǵy 20 qańtar 11:06
Bólisińiz:
Prezıdenttik kadr rezervi jastar úshin áleýmettik lıftige aınaldy -  Erkebulan Boranbaev

NUR-SULTAN. QazAqparat – Prezıdenttik kadr rezervi jastar úshin áleýmettik lıftige aınaldy. Mundaı pikirdi QR Indýstrııa jáne ınfraqurylymdyq damý mınıstrligi Kóp jaqty ınvestıtsııalyq yntymaqtastyq basqarmasynyń basshysy Erkebulan Boranbaev bildirdi, dep habarlaıdy QazAqparat tilshisi.

Uqsas jańalyqtar
Muhtar Qul-Muhammed QR ІІM jáne Shekara qyzmetiniń oqý oryndarynda boldy Shymkent sottarynda Prezıdent Joldaýyn túsindirý jumysy júrgizilýde Shymkentte  «Shekarasyz yntymaqtastyq» halyqaralyq forýmy ótti

«Menińshe, bul bastama Qazaqstannyń talantty jastary úshin úlken múmkindik beredi. Osy jobaǵa qatysý arqyly jastar bilimderimen, tájirıbelerimen ózara baq synady. Prezıdenttik kadr rezervine tirkeýden 13 myń jas ótse, onyń ishinde 7 myń adam baıqaýǵa qatysyp, 300 adam «júzden júırik, myńnan tulpar» shyqty. Rezervke kirgen osy 300 jas aldaǵy ýaqytta óz áleýetin kórsete otyryp, elimizdiń qarqyndy damýy úshin úles qosýǵa biregeı múmkindik aldy. Shyn máninde kadr rezervi jastar úshin áleýmettik lıftige aınaldy», - dedi ol.

Jas rezervshiniń paıymynsha, baıqaý óte ádil ári taza ótti. Bastapqy 1-2 kezeńder kúrdeli boldy. Jalpy barlyq 7 kezeńniń óz erekshelikteri anyq baıqalyp turdy.

«Máselen, áńgimeles kezindegi daýys berý tájirıbesimen alǵash ret tanys boldym. Shetelde bilim alsam da mundaı áńgimelesý kezindegi daýys berýdiń sol sátte onlaın ótýin birinshi ret kórdim. Áńgimelesý aıaqtalǵan kezde komıssııa músheleri birden baǵalaryn berip, nátıjesi daıyn turdy. Jalpy baıqaýdyń árbir kezeńi úlken daıyndyqty qajet etti. ıAǵnı, árbir kandıdatqa bilimin, tájirıbesin kórsetýge barlyq múmkindik jasaldy», - dedi Erkebulan Boranbaev.

Onyń aıtýynsha, konkýrs nátıjesi shyqqannan keıin-aq rezervke kirgen jastarǵan mınıstrlikterden, jergilikti atqarýshy organdardan, «Qazaqstan temir joly» syndy ulttyq kompanııalardan laýazymdy qyzmetter usynylyp jatyr.

«Munyń ózi jastarǵa memlekettik qoldaýdyń bar ekendigin kórsetedi. Qazirgi ýaqytta QR Indýstrııa jáne ınfraqurylymdyq damý mınıstrligi Kóp jaqty ınvestıtsııalyq yntymaqtastyq basqarmasynyń basshysy qyzmetin atqaramyn. Endi mine, Bilim jáne ǵylym mınıstrligi Halyqaralyq yntymaqtastyq departamentiniń dırektory laýazymyna taǵaıyndaý buıryǵyn kútip otyrmyn», - dedi ol.

Aıta keteıik, Batys Qazaqstan oblysynda dúnıege kelgen Erkebulan Saǵatuly Ál-Farabı atyndaǵy Qazaq ulttyq ýnıversıtetin, Qazaq halyqaralyq saýda, qarjy jáne ekonomıka ýnıversıtetin «Bolashaq» baǵdarlamasymen Ulybrıtanııanyń Gılford qalasyndaǵy Sýrreı ýnıversıtetiniń magıstratýrasyn bitirgen. Eńbek jolyn 2010 jyly sol kezdegi QR Týrızm jáne sport mınıstrliginde sarapshy bolyp bastaǵan.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT