+7 (701) 759 90 19
USD 377.09 EUR 407.37
RUB 5.93 CNY 53.95
Jańalyqtar

Prezıdenttik kadr rezervi: 4 tilde sóıleıtin aqtóbelik sheteldegi jumystan bas tartty

2020 jylǵy 20 qańtar 14:19
Bólisińiz:
Prezıdenttik kadr rezervi: 4 tilde sóıleıtin aqtóbelik sheteldegi jumystan bas tartty

AQTÓBE. QazAqparat – Prezıdenttik kadr rezervine engen Lázzat Ádilova sheteldegi jumystan bas tartyp, Aqtóbege oraldy. Elimizdegi eń bilimdi 300 jastyń qataryna qosylǵan maman bolashaqta memlekettik qyzmetker bolýdy maqsat etip otyr, dep habarlaıdy QazAqparat tilshisi.

Uqsas jańalyqtar
Kadrlyq rezerv ókili BQO-da basshylyq qyzmetke taǵaıyndaldy Túrkistan oblysynda 20-ǵa jýyq maman Prezıdenttiń kadr rezervine alynǵan Jambylda Prezıdent kadr rezerviniń ókili basqarma basshysy bolyp taǵaıyndaldy

Lázzat Ádilova Prezıdent bastamasy munaı-gaz salasynda eńbek etip júrgen jas mamandarǵa jarqyn maqsattaryn iske asyrýǵa jol ashty dep esepteıdi.

«Prezıdenttik jastar kadr rezervi Memleket basshysynyń saılaýaldy bastamasynda mindet etip qoıyldy. Eń daryndy, bilimdi 300 jas tańdaldy. Bolashaqta bul jastar memlekettik qyzmettiń tıimdiligin arttyrýdy maqsat etip otyr. Men halyqqa qyzmet etip, jaǵdaıyn kóterý, óz bilimim men tájirıbemdi el ıgiligine baǵyttaýdy kózdeımin. Kadrlyq rezerv jasaqtalǵanda ashyq ári obektıvti jeti kezeńnen óttik. Árqaısysynyń óz artyqshylyǵy men jaýapkershiligi zor. Qańtar aıynda Prezıdentpen kezdesý boldy. Sol kezde tapsyrma berip, naqty aıtty. Bizge el úlken úmit artyp otyr. Qazir men munaı kompanııasynda eńbek etip júrmin. Bas menedjermin. Qazaq tilinen ózge orys, qytaı, aǵylshyn tilinde erkin sóıleı alamyn. Qytaı tilinde magıstratýra bitirdim. Birden Qytaıda halyqaralyq uıymdar jumysqa shaqyrdy. Biraq men Qazaqstanǵa oralyp, eńbek etýge sheshim qabyldadym», - dedi Lázzat Ádilova.

Investıtsııa tartý, munaı-gaz salasyndaǵy ınfraqurylym baǵytyn damytyp júrgen maman bolashaqta halyqaralyq qatynastar baǵytynda jumys isteýdi armandaıdy. Memlekettik qyzmetke aýysyp, jańa bastamalarymen el damýyna yqpal etpek.

«Bárimiz de qarapaıym qazaq balasymyz. Máselen, meniń ákem - temirjolshy, anam - dáriger. Uzaq jyldan beri bir salada eńbek etip júr. Prezıdenttik kadr rezervine jınalǵan jastardyń bilimi joǵary, keıbiri shetelde júrip jańa tehnologııany meńgergen. Jınalǵan adamdardyń kózqarasy ózgeshe, kóp biledi. Biraq bári qarapaıym, el úshin, erteńimiz úshin eńbek etemiz dep ortaq múddege toǵysty», - dedi Lázzat Ádilova.

Eske salsaq, Prezıdent Qasym – Jomart Toqaev «Júzden - júırik, myńnan - tulpar» shyqqan jastarmen kezdesýinde el damýynyń baǵytyn túsindirip berdi. Prezıdenttik kadr rezervine barlyǵy 13 myńnan astam ótinish tússe, olardyń tek 300-i irikteldi.


Bizdiń kanalymyzǵa jazylyńyz:

Bólisińiz:

Avtor:

Altynaı Saǵyndyqova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT