+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

Prezıdentke hat jazǵan 10 jasar almatylyq balanyń armany oryndaldy

2019 jylǵy 8 qarasha 21:06
Bólisińiz:
Prezıdentke hat jazǵan 10 jasar almatylyq balanyń armany oryndaldy

ALMATY. QazAqparat – QR Bilim jáne ǵylym mınıstri Ashat Aımaǵambetov Prezıdentke hat jazǵan 10 jasar almatylyq balanyń armanyn oryndady, dep habarlaıdy QazAqparat tilshisi.

Uqsas jańalyqtar
Ashat Aımaǵambetov bilim salasyndaǵy plagıatpen kúresetin júıe týraly aıtty Bilim mınıstri jańa álipbıde jazylǵan oqýlyqtar qashan shyǵarylatynyn aıtty Bektas Beknazarov Bilim mınıstrine: Reformalardyń sanyn emes, sapasyn arttyrý kerek

Balanyń sheshesi Alma Serikqalı bul týraly Facebook paraqshasynda málimdedi.

«Ashat Qanatuly osy asyl minezimen kópke úlgi bola otyryp, endi ǵana býyny bekip kele jatqan bala qyrannyń qanatynyń qataıyp, bıikke samǵaýyna jol ashyp, asqaq armanynyń júzege asýyna yqpal jasap, taekvan-do sport sektsııasyna jazdy. Búgingi bilimniń bıiginde osyndaı el úshin et júregi eljireı biletin memleket qaıratkeri turǵanda kem-ketigimiz túzelip, erik-jigerimiz qaırala túseri anyq. Biz Sizge senemiz, Ashat Qanatuly!», - dep jazdy balanyń anasy.

Onyń aıtýynsha, QR Prezıdenti Qasym-Jomart Kemeluly balanyń hatyn oqyp, Qazaqstannyń Bilim jáne ǵylym mınıstrligine hatta kóterilgen máselelerdi sheshýdi tapsyrǵan.

«Sarabdal da, sabyrly, aqyldy da, parasatty Qasym-Jomart Kemeluly balamnyń hatyn yjdaǵattylyqpen oqyp shyǵyp, hatta kóterilgen máseleler boıynsha Bilim jáne ǵylym mınıstrligine jaýap berýdi tapsyrdy. El Prezıdentiniń qarapaıymdylyǵy meniń ana júregimdi eljiretip, oǵan degen sheksiz qurmetimdi arttyrdy. Sondaı-aq, bilimi men biliktiliginiń arqasynda bilim bıiginiń tuǵyryn baǵyndyrǵan Bilim jáne ǵylym mınıstri Aımaǵambetov Ashat Qanatuly da «4 synyp oqýshysynyń haty» dep qaramaı, úlken azamattyq tanytyp, balamnyń hatyna jaýap jazýy onyń jas ta bolsa qaıratkerligin kórsetti», - deıdi ol.

Buǵan deıin QR Bilim jáne ǵylym mınıstri Ashat Aımaǵambetov almatylyq oqýshy Nurbaqyt Ǵalymjannyń hatyna jaýap bergen edi.

Aıta keteıik, Almaty qalasy №138 gımnazııanyń 4-synyp oqýshysy Nurbaqyt Ǵalymjan Prezıdentke hat jazǵan bolatyn. Onda Nurbaqyt kanıkýldyń azdyǵyn jáne keıbir pánderdiń qyzyq emestigin synaǵan.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT