+7 (701) 759 90 19
USD 425.59 EUR 505.43
RUB 5.61 CNY 64.83
Jańalyqtar

Prezıdentke aldaǵy bes jyldyqta AÓK-ti damytýdyń Ulttyq josparyn ázirleý barysy týraly baıandaldy

2020 jylǵy 27 qazan 18:50
Bólisińiz:
Prezıdentke aldaǵy bes jyldyqta AÓK-ti damytýdyń Ulttyq josparyn ázirleý barysy týraly baıandaldy

NUR-SULTAN. QazAqparat - Prezıdent Qasym-Jomart Toqaev Aýyl sharýashylyǵy mınıstri Saparhan Omarovty qabyldady, dep habarlaıdy QazAqparat Aqordanyń baspasóz qyzmetine silteme jasap.

Uqsas jańalyqtar
Memleket basshysy Qaraǵandydaǵy jańa mekteptiń jumysymen tanysty QR Prezıdenti Qaraǵandy oblysyna jumys saparymen keldi Qasym-Jomart Toqaev reseılik delegatsııamen kezdesti

Memleket basshysyna elimizdegi agroónerkásip kesheniniń qazirgi jaǵdaıy jáne bıylǵy 9 aıdyń ishinde mınıstrlik atqarǵan jumystardyń qorytyndysy týraly esep berildi.

Aýyl sharýashylyǵy mınıstri jyl basynan beri aýyl sharýashylyǵyndaǵy ishki ónimniń kólemi 5 paıyzǵa artyp, 4,4 trıllıon teńgeni quraǵanyn, al azyq-túlik ónimderi 3,5 paıyzǵa, ıaǵnı 1,4 trıllıon teńgege deıin ulǵaıǵanyn habarlady. Sondaı-aq mınıstr aýyl sharýashylyǵynyń negizgi kapıtalyna jáne azyq-túlik óndirisi salasyna tartylǵan ınvestıtsııalardyń kólemi 15 paıyzdan artyp, 445 mıllıard teńgeden asqanyn aıtty.

Saparhan Omarov Qasym-Jomart Toqaevqa ımportty almastyrý saıasatyn júzege asyrý barysy týraly málimet berdi. Mınıstrdiń aıtýynsha, búginde taýardyń alty baǵyty boıynsha ımportqa táýeldilik baıqalady. Úkimet bekitken josparlardy oryndaý arqyly úsh jyl ishinde ımportty almastyrý máselesin sheshýge bolady.

Sonymen qatar Prezıdentke qus tumaýynyń taralýyna qatysty problemanyń sheshilgeni týraly aıtyldy. Mınıstr usynǵan málimetterge sáıkes atalǵan aýrýdyń taralýy tolyǵymen joıylǵan, qustardyń ólim-jitimi boıynsha tólenetin ótemaqy máselesi tıisti vedomstvonyń baqylaýynda tur.

Aýyl sharýashylyǵy mınıstri aldaǵy bes jyldyqta agroónerkásip keshenin damytýdyń Ulttyq josparyn ázirleý barysy týraly baıandady. Atalǵan jobany iske asyrý ishki naryqty áleýmettik mańyzy bar azyq-túlik taýarlarymen qamtamasyz etýge múmkindik beredi.

Kezdesý sońynda Qasym-Jomart Toqaev Saparhan Omarovqa qaıta óńdelgen ónim eksportyn arttyrýǵa, aýyl sharýashylyǵyndaǵy eńbek ónimdiligin joǵarylatýǵa, elimizdiń sharýalary óndirgen taýarlar úshin jańadan ótkizý naryqtaryn ashýǵa jáne veterınarııa salasyndaǵy baqylaýdy kúsheıtýge qatysty birqatar tapsyrma berdi.


Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT