+7 (701) 759 90 19
USD 426.14 EUR 497.05
RUB 6.02 CNY 66.69
Jańalyqtar

Prezıdent Joldaýy qansha azamattyń baspanaly bolýyna septigin tıgizdi

2021 jylǵy 31 tamyz 17:34
Bólisińiz:
Prezıdent Joldaýy qansha azamattyń baspanaly bolýyna septigin tıgizdi

NUR-SULTAN. QazAqparat - Ár azamattyń áleýmettik ál-aýqaty baspanamen baılanysty ekeni belgili. Al adamdardyń báriniń birdeı baspanany qolma-qol satyp alýǵa jaǵdaıy jete bermeıdi. Eki qolǵa bir kúrek izdep qala jaǵalaǵan, azdy-kópti tapqan jalaqysynyń bir bóligin ýaqytsha baspana jaldaýǵa jumsap júrgen adamnyń úı satyp alýǵa qomaqty qarajatty birer jyldyń ishinde jınaı qoıýy da múmkin emes.

Uqsas jańalyqtar
Ulttyq joba – qoǵamdy mazalaǵan máselege memlekettiń tikeleı jaýaby – sarapshy Senat komıteti aýylda turý jaǵdaıyn jaqsartý, jastardyń qalaǵa ketýin tómendetý máselelerin talqylady 2022 jyly elordada eski úılerdegi turǵyndardyń máselesi sheshiledi

Iá, elimizde kópbalaly otbasylarǵa jetim qalǵan balalarǵa, múgedek bala asyrap otyrǵan otbasylarǵa memleket tarapynan baspana beriledi. Alaıda, jergilikti atqarýshy organdardyń tizimine 500 myń adam baspanaǵa muqtaj retinde esepke alynǵan. Bul kezektiń ózine jylda qosylatyn áleýmettik az qamtylǵan topqa jatatyn adamdar bar. Demek, bul da baspana armanynyń tez arada oryndalýyna septigin tıgize almaıdy. Iá, jer-jerde ákimdikter áleýmettik turǵyn úıler salyp ta jatyr. Máselen, bir elordanyń ózinde 50 myńǵa jýyq adam kezeke ilingen. Olarǵa shetinen baspana berilýde de. Naqty derekterge júginer bolsaq, 2018 jyly 1 100, al 2019 jyly 2 900, 2020 jyly 7 000 qoljetimdi baspana berildi. Bıyl mundaı áleýmettik baspana sany 10 myńǵa jetpek. Biraq, bul da problemany tolyq sheshe almaıtyny anyq.

Prblemany sheshý joldary QR Prezıdenti Qasym-Jomart Toqaevtyń 2020 jyldyń 1 qyrkúıegindegi «Jańa jaǵdaıdaǵy Qazaqstan: Іs-qımyl kezeńi» atty Qazaqstan halqyna Joldaýynda aıtyldy.

«Biryńǵaı jınaqtaýshy zeınetaqy qorynyń 700 myń salymshysy 2021 jyly óz jınaqtarynyń bir bóligin turǵyn úı satyp alýǵa, emdelýge nemese qarjy kompanııalarynyń basqarýyna berýge paıdalana alady. Úkimetke Ulttyq bankpen birlesip, aǵymdaǵy jyldyń sońyna deıin barlyq qajetti normatıvtik-quqyqtyq aktilerdi qabyldaýdy jáne daıyndyq jumystaryn júrgizýdi tapsyramyn», - degen bolatyn Memleket basshysy.

Osydan keıin QR Eńbek jáne halyqty áleýmettik qorǵaý mınıstrligi el azamattarynyń zeınetaqy jınaqtaryn paıdalaný úshin «jetkiliktilik shegin» jarııalady. Jetkiliktilik shegi mólsherin aldyn ala esepteý ártúrli jastaǵy adamdar úshin mynadaı boldy: 20 jas 1 mln 720 myń, 21 jas 1 mln 795 myń, 22 jas 1 mln 871 myń, 23 jas 1 mln 948 myń, 24 jas 2 mln 026 myń, 25 jas 2 mln 105 myń, 26 jas 2 mln 185 myń, 27 jas 2 mln 267 myń, 28 jas 2 mln 349 myń, 29 jas 2 mln 433 myń, 30 jas 2 mln 518 myń, 31 jas 2 mln 604 myń, 32 jas 2 mln 691 myń, 33 jas 2 mln 780 myń, 34 jas 2 mln 810 myń, 35 jas 2 mln 961 myń, 36 jas 3 mln 053 myń, 37 jas 3 mln 147 myń, 38 jas 3 mln 242 myń, 39 jas 3 mln 339 myń, 40 jas 3 mln 437 myń, 41 jas 3 mln 536 myń, 42 jas 3 mln 636 myń, 43 jas 3 mln 739 myń, 44 jas 3 mln 842 myń, 45 jas 3 mln 947 myń, 46 jas 4 mln 054 myń, 47 jas 4 mln 162 myń, 48 jas 4 mln 271 myń, 49 jas 4 mln 383 myń, 50 jas 4 mln 495 myń, 51 jas 4 mln 610 myń, 52 jas 4 mln 726 myń, 53 jas 4 mln 843 myń, 54 jas 4 mln 963 myń, 55 jas 5 mln 084 myń, 56 jas 5 mln 207 myń, 57 jas 5 mln 331 myń, 5 8 jas 5 mln 457 myń, 59 jas (jáne odan joǵary) 5 mln 586 myń teńge.

«Jetkiliktilik shegi» degenimiz belgili bir jastaǵy salymshy úshin zeınetaqy jınaqtarynyń eń tómengi qajetti somasy. Ol kiristen BJZQ-ǵa (ETJ-dan tómen emes) bolashaqtaǵy turaqty 10 paıyz zeınataqy jarnalaryn eskere otyryp, eń tómengi zeınetaqy mólsherinde 82 jasqa deıingi zeınetaqy tólemderimen qamtamasyz etýge múmkindik beredi. «Jetkiliktilik shegi» áıelder men erler úshin birdeı belgilendi jáne árbir jas úshin esepteldi.

2021 jyldyń 2 qańtarynda Memleket basshysy «Qazaqstan Respýblıkasynyń keıbir zańnamalyq aktilerine ekonomıkalyq ósýdi qalpyna keltirý máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańyna qol qoıdy. Atalǵan Zańǵa sáıkes, zeınetaqy jınaqtarynyń bir bóligin jumys isteıtin, tıisti jasta zeınetaqy jınaqtary «jetkiliktilik sheginen» asatyn azamattar; saqtandyrý kompanııalarymen BJZQ-da qalǵan zeınetaqy jınaqtarynyń somasy sheginde ómir boıy annýıtettik tólemderdi qamtamasyz etetin zeınetaqy annýıteti sharttaryn jasasqan adamdar ala aldy. Al zeınetkerlikke shyqqan azamattar BJZQ-da qalǵan zeınetaqy qarajatynyń 50 paıyzynan aspaıtyn shekte qarjysyn alý múmkindigine ıe boldy.

Nátıjesinde 761 myńnan astam salymshy óz jınaqtarynyń jetkiliktilik sheginen asatyn bir bóligin paıdalanýǵa múmkindik aldy. BJZQ salymshylardyń arnaıy shottaryna 1,7 trln teńgeden astam qarajat aýdardy. Bul qarajattardy azamattar turǵyn úı jaǵdaıyn jaqsartýǵa, emdelýge jumsady. Bul rette turǵyn úı jaǵdaıyn jaqsartýǵa berilgen ortasha tólem 4,4 mln, al emdelýge berilgen ortasha tólem 900 myń teńgeni quraǵanyn atap ótken jón. Al zeınetaqy jınaqtaryn ınvestıtsııalyq portfeldi basqarýshyǵa aýdarý týraly 1230 ótinish maquldanyp, shamamen 2,8 mlrd teńge kompanııalarǵa berildi.

«Búgingi kúni 147 myń qazaqstandyq úı ıesi atandy, taǵy 72 myńnan astamy ıpotekalyq qaryzyn ótedi jáne 18 myńǵa jýyq adam zeınetaqy qoryndaǵy qarajatynyń bir bóligin emdelýge jumsady. Olardyń úshten biri – áıelder (75 493) jáne úshten ekisi – er azamattar (161 879). Birjolǵy zeınetaqy tólemderin qoldaný boıynsha birinshi orynda Mańǵystaý oblysynyń turǵyndary tur (36 853 adam), olar jalpy somasy 326 mlrd teńge paıdalanǵan. Ekinshi orynda Nur-Sultan qalasy (36 339 adam), elorda turǵyndary 217 mlrd-qa jýyq teńge qoldanǵan. Almaty qalasy – úshinshi orynda (31 438 adam), almatylyqtar jalpy somasy 241 mlrd-qa jýyq teńgeni turǵyn úı jaǵdaıyn jaqsartý jáne emdelý aqysyn tóleýge jumsaǵan. ıAǵnı, birjolǵy zeınetaqy tólemin enpf-otbasy.kz platformasy arqyly turǵyn úı jaǵdaıyn jaqsartýǵa jáne emdeý úshin jumsaýǵa bolady», - degen edi «Otbasy bank» AQ-nyń baspasóz hatshysy Janar Joltaeva.



Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Janat Qapalbaeva
Janat Qapalbaeva
954-059

MURAǴAT