Prezıdent jastardy belsendi túrde memlekettik qyzmetke tartyp jatyr - Erlan Qarın

NUR-SULTAN. QazAqparat – QR Prezıdentiniń keńesshisi Erlan Qarın eldegi sońǵy kadrlyq aýys-túıiske qatysty pikir bildirdi, dep habarlaıdy QazAqparat.

Uqsas jańalyqtar

Almatynyń áleýmettik ál-aýqat basqarmasyna jańa basshy keldi

Semeı qalasyna jańa ákim taǵaıyndaldy Qaraǵandy oblysynyń jastar saıasaty basqarmasyna jańa basshy keldi ShQO Katonqaraǵaı aýdanynyń ákimi taǵaıyndaldy

«Prezıdent Qasym-Jomart Toqaev kadrlardy aralastyryp, tyń amaldardy paıdalaný jolymen memlekettik qyzmet júıesine jańa basqarýshylardy tartý isin belsendi túrde qoldap keledi. Atap aıtqanda Memleket basshysy Prezıdenttik kadrlyq rezervin quryp, onyń aıasynda 300 rezervshi irikteldi. Olardyń 150-i memlekettik jáne kvazımemlekettik sektorda jumysqa ornalasty. Búgin ǵana Prezıdenttiń kadrlyq rezerviniń ókili Aıbek Sattybaev Shymkent qalasy ákiminiń orynbasary bolyp taǵaıyndaldy. Sonymen qatar, keshe Ulttyq senim qoǵamdyq keńesiniń múshesi Shyńǵys Muqan Shymkent qalasy ákiminiń birinshi orynbasary boldy», - dep jazdy Erlan Qarın telegram kanalynda.

Prezıdenttiń keńesshisi Shyńǵys Muqan Ulttyq keńestiń memlekettik qyzmetke qabyldanǵan alǵashqy múshesi emes ekenin de eske saldy. Buǵan deıin Ulttyq keńes qatarynan «jumyldyrylǵan» Baǵdat Mýsın aldymen Prezıdenttiń keńesshisi bolsa, qazirgi ýaqytta Tsıfrlyq damý, ınnovatsııa jáne aeroǵarysh ónerkásibi mınıstrliginiń ýaqytsha mınıstri bolǵan. Al Berik Ábdiǵalıuly 2019 jyldyń qazan aıynda Qaraǵandy oblysy Ulytaý aýdanynyń ákimi bolyp taǵaıyndalsa, Maksım Spotkaı jaqynda Parlament Senaty apparaty basshysynyń orynbasary bolyp barǵan.

«Osylaısha keıingi ýaqytta jastar men qoǵam ókilderi arasynan Prezıdent jańa kadrlardy belsendi túrde tartyp jatyr. Osynyń arqasynda basqarýshy býyn josparly túrde jańartylýda», - dedi ol.