+7 (701) 759 90 19
USD 405.69 EUR 455.51
RUB 5.72 CNY 57.42
Jańalyqtar

Prezıdent Jarlyǵymen birqatar qyzmetker memlekettik nagradalarmen marapattaldy

2020 jylǵy 6 mamyr 11:06
Bólisińiz:
Prezıdent Jarlyǵymen birqatar qyzmetker memlekettik nagradalarmen marapattaldy

NUR-SULTAN. QazAqparat - Memleket basshysy Qasym-Jomart Toqaevtyń Jarlyǵymen birqatar áskerı jáne quqyq qorǵaý salasynyń qyzmetkerleri memlekettik nagradalarmen marapattaldy, dep habarlaıdy Aqorda.

Otan qorǵaýshylar kúni qarsańynda Qazaqstan Prezıdenti Qasym-Jomart Toqaevtyń Jarlyǵymen áskerı jáne qyzmettik boryshyn atqarý kezinde, adam ómirin saqtap qalý úshin batyldyq pen janqııarlyq kórsetken, sondaı-aq, eldiń ulttyq qaýipsizdigi men qorǵanys qabiletin qamtamasyz etýge, zańdylyqty jáne qoǵamdyq tártipti saqtaýǵa eleýli úles qosqan áskerı qyzmetshiler men quqyq qorǵaý jáne arnaıy memlekettik organdardyń qyzmetkerleri Qazaqstan Respýblıkasynyń memlekettik nagradalarymen marapattaldy.

Olardyń ishinde:

І dárejeli «Dańq» ordenimen – QR Bas Prokýrorynyń orynbasary Marat Ahmetjanov;

ІІ dárejeli «Dańq» ordenimen – QR Іshki ister mınıstriniń birinshi orynbasary Marat Qojaev;

ІІ dárejeli «Aıbyn» ordenimen – QR Іshki ister mınıstrliginiń departament bastyǵy Sanjar Ádilov, QR Memlekettik kúzet qyzmetiniń Prezıdent kúzet qyzmeti bastyǵynyń orynbasary Sáken Isabekov, QR Qorǵanys mınıstrligi bólim komandıriniń orynbasary – 14776 áskerı bólimi ortalyǵynyń bastyǵy Rahat Qarsembaev, QR Qorǵanys mınıstrligi Bas ınspektsııasy áskerlerdiń jaýyngerlik jáne jumyldyrý ázirligi men daıarlyǵy ınspektsııalyq basqarmasynyń bastyǵy – Bas ınspektsııa bastyǵynyń orynbasary Tóleýqan Nurqanov, QR Ulttyq qaýipsizdik komıtetiniń basqarma bastyǵy Aleksandr Penkov;

ІІІ dárejeli «Aıbyn» ordenimen – Memlekettik kúzet qyzmeti Aıryqsha maqsattaǵy kúshteriniń «Aıbyn» Prezıdenttik polkiniń 1-sanatty mamany Ǵalymjan Álıev;

«Qurmet» ordenimen – QR Ulttyq qaýipsizdik komıteti Úkimettik baılanys qyzmetiniń dırektory Tamerlan Jumaǵalıev;

«Erligi úshin» medalimen – QR Sybaılas jemqorlyqqa qarsy is-qımyl agenttigi (Sybaılas jemqorlyqqa qarsy qyzmettiń) asa mańyzdy ister jónindegi ofıtseri Aıdos Besjanov, Іshki ister mınıstrligi Nur-Sultan qalasy polıtsııa departamentiniń Saryarqa aýdandyq polıtsııa basqarmasynyń ýchaskelik ınspektory Erlan Jańabaev, QR Qarjy mınıstrligi Qarjy monıtorıngi komıteti Jedel departamentiniń aǵa jedel ýákili Mıras Qurbanov, QR Іshki ister mınıstrligi Nur-Sultan qalasynyń tótenshe jaǵdaılar departamentiniń Órt sóndirý jáne apattyq-qutqarý jumystary qyzmeti №17 órt sóndirý bóliminiń bólimshe komandıri Sergeı Mazýr;

«Jaýyngerlik erligi úshin» medalimen – QR Qorǵanys mınıstrligi kadrlar departamentiniń ofıtseri Sholpan Taýyshova, QR Qorǵanys mınıstrligi 44813 áskerı bólimi S-300 zenıttik zymyran dıvızıonynyń komandıri Aleksandr Tomılın marapattaldy.

Barlyǵy 45 adam ordendermen, 53 adam medaldarmen jáne 3 adam Qazaqstan Respýblıkasynyń Qurmet gramotalarymen nagradtaldy.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT