+7 (701) 759 90 19
USD 408.61 EUR 454.09
RUB 5.86 CNY 57.28
Jańalyqtar

Prezıdent jarlyǵy: Áskerı mindettilerdiń arnaýly jıyny 10 kúnnen 3 aıǵa deıin sozylýy múmkin

2020 jylǵy 3 sáýir 11:26
Bólisińiz:
Prezıdent jarlyǵy: Áskerı mindettilerdiń arnaýly jıyny 10 kúnnen 3 aıǵa deıin sozylýy múmkin

NUR-SULTAN. QazAqparat – Qazaqstan Respýblıkasynyń Qorǵanys mınıstri Nurlan Ermekbaev ákimderge áskerı mindettilerdi arnaıy jıyndarǵa shaqyrýdyń tártibin túsindirip berdi, dep habarlaıdy QazAqparat tilshisi.

«Bul jarlyqtyń negizgi mazmuny – ákimderge áskerı mindettilerdi arnaıy jıyndarǵa shaqyrýǵa quqyq jáne múmkindik berý. Basty maqsat – halqymyzdyń qaýipsizdigi men densaýlyǵyn qorǵaý. Atalǵan jarlyq ákimderdi aýmaqtyq áskerdi tolyǵymen jınaýdy mindettemeıdi. Jıyn zańǵa sáıkes úsh aıǵa deıin sozylýy múmkin. Áıtse de jıynnyń merzimin óz qajettiligine qaraı jergilikti atqarýshy organ belgileıdi. Olar óz qaýlysymen jıyndardy uıymdastyryp, óńirdegi qajettilik pen barlyq sharanyń oryndalýyna qaraı erterek aıaqtaýyna múmkindik bolady», - dedi Nurlan Ermekbaev OKQ-da ótken baspasóz máslıhatynda.

Mınıstrdiń aıtýynsha jekelegen aımaqtardyń ákimderi 10 kúndik, keıbiri odan da uzaq áskerı jıyndy uıymdastyra alady. Nurlan Ermekbaev, sonymen qatar, mundaı jıyn zań boıynsha 3 aıǵa sozylýy múmkin ekenin aıtyp ótti.

«Keıbir aımaqta áskerı mindeti bar azamattardy shaqyrýdyń múlde qajettigi bolmaıdy. Áskerı bólim ornalasqan aımaqtarda áskerı qyzmetshilerdiń birshama bóligi qazirdiń ózinde jumysqa tartylyp, bekitilgen sharalar boıynsha jumystardy atqarýda. Áskerı qyzmetshilerdiń bir bóligi basqa aımaqtarǵa jóneltilgen. Bári de eldiń joǵarǵy áskerı basshylyǵy memlekettiń qorǵanysqa qabilettigin de, Qarýly kúshterdiń jaýyngerlik daıyndyǵyn da esepke alyp otyrǵanyn túsiný kerek», - dedi ol.

Eske sala ketsek, keshe Qazaqstan Prezıdenti áskerı mindettilerdi arnaýly jıynǵa shaqyrý týraly jarlyq shyǵarǵan edi.

Atap aıtqanda qazaqstandyqtar jekelegen óńirlerde medıtsınalyq qyzmet, tasqynmen kúres jáne dezınfektsııa jumystaryna shaqyrylady.



Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT