+7 (701) 759 90 19
USD 399.67 EUR 452.95
RUB 5.82 CNY 56.36
Jańalyqtar

Prezıdent usynǵan sharalar keshendiligimen ári ataýly sıpatymen erekshelenedi - Vıacheslav Dodonov

2020 jylǵy 24 naýryz 16:52
Bólisińiz:
Prezıdent usynǵan sharalar keshendiligimen ári ataýly sıpatymen erekshelenedi - Vıacheslav Dodonov

NUR-SULTAN. QazAqparat - Prezıdent usynǵan sharalardyń ekonomıkalyq bóligi keshendiligimen erekshelenedi. QR Prezıdenti janyndaǵy Qazaqstannyń strategııalyq zertteýler ınstıtýtynyń bas ǵylymı qyzmetkeri, ekonomıka ǵylymdarynyń doktory Vıacheslav Dodonov osyndaı pikir bildirdi, dep habarlaıdy QazAqparat tilshisi.

«Eń aldymen tótenshe jaǵdaı engizýden zardap shekken ekonomıka sektorlaryn aıqyndaý jáne olardy qoldaýdy uıymdastyrý basty nazarǵa alynǵanyn atap ótýge boldy. Bul kómek barlyq salalarǵa shashyramaı ataýly túrde kórsetiledi degen sóz. Al ol oryn alyp otyrǵan jaǵdaıda kómekke asa muqtaj baǵyttarǵa bólingen resýrstardy barynsha shoǵyrlandyrýǵa múmkindik beredi», - dep atap ótedi Vıacheslav Dodonov.

Osy rette sarapshy Memleket basshysy usynǵan qazirgi kúrdeli jaǵdaıdan zardap shekken shaǵyn jáne orta kásipkerliktiń barlyq nesıeleri boıynsha negizgi qaryzdary men syıaqylaryn tóleýdi toqtata turý, iskerlik belsendilikti salyq turǵysynan yntalandyrý jáne baǵanyń turaqtylyǵyn qamtamasyz etý úshin keshendi sharalar ázirleýdi, shaǵyn jáne orta kásipkerlikti barlyq salyq jáne mindetti tólemderden 3 aı merzimge bosatý, baǵa turaqtylyǵyn qamtamasyz etý, aýyl sharýashylyǵy ónimderi men azyq-túlikke QQS-ti ýaqytsha tómendetý syndy naqty tetikterge nazar aýdartty. Sonymen qatar bul sharalardyń der ýaqytynda qabyldanǵanyn jáne bıznes pen qatar tutýshylar da bastan keshirip otyrǵan problemalarǵa saı ekendigin aıtty.

«Ekonomıkaǵa jáne onyń sýbektilerine kómek qazirgi qoldanystaǵy «Qarapaıym zattar ekonomıkasy», Jumyspen qamtýdyń jol kartasy syndy baǵdarlamalar aıasynda da kórsetiletin in de atap ótýge bolady. Demek, qoldaý kórsetýdiń jańa tetikterin ázirlemesten resýrstardy buǵan deıin súrleýi túsken arnalar arqyly jedel bólýge múmkindik bar degen sóz. Bul rette «Qarapaıym zattar ekonomıkasy» jáne «Bıznestiń jol kartasy» baǵdarlamalarynyń aýqymy birden eselenip, árqaısysyna 1 trln teńgeden bólinedi. Shaǵyn jáne orta bıznestiń aınalym qarajatyn jyldyq 8 paıyzben nesıeleý kólemi artady», - dedi sarapshy.

Onyń atap ótýinshe, atalǵan baǵdarlamalardy júzege asyrý jańa jumys oryndarynyń jappaı qurylýymen (shamamen 250 myń jumys orny) qatar bıznestiń tótenshe jaǵdaı engizilýne baılanysty joǵalǵan shyǵyndarynyń bir bóligin óteýge múmkidik beredi. Sonymen qatar jergilikti jáne respýblıkalyq mańyzy bar, onyń ishinde barynsha qajetti ınfraqurylymdyq qurylystar salýǵa jol ashylady.

Sarapshy daǵdarysqa qarsy sharalarǵa 10 mlrd dollar, ıaǵnı, Qazaqstannyń ishki jalpy óniminiń shamamen 7 paıyzy bólingeli otyrǵanyna da basa nazar aýdartady.

«Bul soma Ulttyq qordan respýblıkalyq bıýdjetke bólinetin jyldyq transferttiń kóleminen 1,5 ese asyp túsedi jáne onyń shyǵystarynyń shamamen 40 paıyzyn quraıdy. Bul qarajat tótenshe jaǵdaı rejıminen jáne munaı baǵasynyń quldyraýynan týyndaǵan negizgi qıyndyqtarǵa jabý úshin jetkilikti bolady», - dedi ol.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT