Prezıdent: Úkimet múshelerine sógis emes – múmkindik berip otyrmyn

NUR-SULTAN. QazAqparat – Memleket basshysy Úkimet múshelerine tapsyrylǵan mindetterdi oryndaýda jaýapty bolýdy mindettedi, dep habarlaıdy QazAqparat tilshisi.

«Qurmetti jıynǵa qatysýshylar. Búgin ózderińiz kórip otyrsyzdar, berilgen tapsyrmalardyń tıisti deńgeıde oryndalmaǵany úshin sógis jarııalaǵan joqpyn. Biraq, kemshilikter jetkilikti. Mysaly, óz sózimde aıtqandaı, halyq tutynatyn eń qajetti taýarlardyń baǵasyn ósirip jibergeni úshin qatań sharalar qoldanýa bolar edi. Jalpy alǵanda sógis berý jaqsy nátıjege jetýdiń asa tıimdi joly emes. Bul meniń naqty ustanymym. Sondyqtan, úkimet múshelerine jáne ákimderge kemshilikterdi túzetýge múmkindik berip otyrmyn. Sondyqtan, búgingi jıyn barysynda berilgen tapsyrmalardy zor jaýapkershilikpen oryndaý qajet. Kóktemde bul máselege qaıta oralamyz. Sol kezde túrli sebepterge baılanysty ózderine júktelgen mindetterdi tıisti deńgeıde atqara almaǵandardy qyzmetinen bosatý jóninde naqty sheshim qabyldaımyz. Aldymyzda aýqymdy mindetter tur», - dedi Qasym-Jomart Toqaev Úkimettiń keńeıtilgen otyrysynda.

Memleket basshysy búgingi jıyn barysynda berilgen tapsyrmalardy zor jaýapkershilikpen oryndaý qajettigin eskertti.