Prezıdent Úkimet basshysy Álıhan Smaıylovty qabyldady
2022 jylǵy 9 tamyz 17:41

Prezıdent Úkimet basshysy Álıhan Smaıylovty qabyldady

NUR-SULTAN. QazAqparat - Prezıdent Qasym-Jomart Toqaevqa 2022 jyldyń qańtar-shilde aılaryndaǵy elimizdiń áleýmettik-ekonomıkalyq damý qorytyndylary týraly baıandaldy, dep habarlaıdy QazAqparat.

Álıhan Smaıylovtyń aıtýynsha, osy aralyqta JІÓ ósimi 3,2 paıyzdy qurady. Taýarlar óndirisi 3,3 paıyzǵa, kórsetilgen qyzmetter 2,4 paıyzǵa artty.

Qurylys, saýda, óńdeý ónerkásibi, sondaı-aq kólik jáne baılanys salalarynda aıtarlyqtaı ósim bar.

Premer-Mınıstr Prezıdentke Úkimettiń áleýmettik mańyzy bar azyq-túlik taýarlaryna baǵany tejeý sharalaryna qatysty málimet berdi.

Úkimet 2022-2024 jyldarǵa arnalǵan azyq-túlik qaýipsizdigi josparyn oryndap keledi.

Premer-Mınıstr ınflıatsııa deńgeıin tómendetý, ekonomıkany demonopolızatsııalaý, eldiń tranzıttik-kóliktik áleýetin damytý jónindegi sharalar týraly baıandady.

Álıhan Smaıylov quny 22,2 trıllıon teńge bolatyn ınvestıtsııalyq jobalardyń júzege asyrylyp jatqanyn jetkizdi.

Úkimet basshysy Prezıdentke Qazaqstannyń 2023-2025 jyldarǵa arnalǵan áleýmettik-ekonomıkalyq damý boljamyn usyndy.

Prezıdent qurylymdyq reformalar men ekonomıkany demonopolızatsııalaýdy jalǵastyryp, kásipkerlikke qoldaý kórsetý qajet ekenin aıtty.

Sondaı-aq halyqtyń kirisin arttyrýdy qamtamasyz etýdiń mańyzyn atap ótti.

Foto: akorda.kz

Uqsas jańalyqtar
Seriktester jańalyqtary

Jańalyqtar

Úrdis

MURAǴAT