+7 (701) 759 90 19
USD 376.84 EUR 407.97
RUB 5.91 CNY 53.80
Jańalyqtar

Prezıdent tóraǵalyǵymen Ulttyq qoǵamdyq senim keńesiniń otyrysy bastaldy

2019 jylǵy 6 qyrkúıek 10:51
Bólisińiz:
Prezıdent tóraǵalyǵymen Ulttyq qoǵamdyq senim keńesiniń otyrysy bastaldy

NUR-SULTAN. QazAqparat – Elordadaǵy Táýelsizdik saraıynda Qazaqstan Prezıdenti Qasym-Jomart Toqaevtyń tóraǵalyǵymen Ulttyq qoǵamdyq senim keńesiniń alǵashqy otyrysy bastaldy, dep habarlaıdy QazAqparat tilshisi.

Uqsas jańalyqtar
Prezıdentke ulttyq holdıngterdi ońtaılandyrý týraly usynys berildi Murat Ábenov: Aımaq basshylary ıdeologııalyq salany umytpaýy kerek Mıýnhen konferentsııasynda Qazaqstan men AQSh-tyń yntymaqtastyǵy talqylandy

Ulttyq qoǵamdyq senim keńesi Qazaqstan Respýblıkasynyń Prezıdenti janyndaǵy konsýltatıvtik-keńesshi organ sanalady. Ulttyq keńes qyzmetiniń negizgi maqsaty - jurtshylyqtyń, saıası partııalardyń, azamattyq qoǵamnyń ókilderimen keńinen talqylaý negizinde memlekettik saıasattyń ózekti máseleleri boıynsha usynystar men usynymdar. Ol óz qyzmetinde Qazaqstan Respýblıkasynyń Konstıtýtsııasyn, zańdaryn, Qazaqstan Respýblıkasy Prezıdentiniń aktilerin, ózge de normatıvtik quqyqtyq aktilerdi, sondaı-aq osy erejeni basshylyqqa alady.

Ulttyq keńestiń negizgi mindetteri: tujyrymdamalardyń, memlekettik baǵdarlamalardyń jáne normatıvtik quqyqtyq aktilerdiń jobalaryna qoǵamdyq saraptama júrgizý; jurtshylyqtyń jáne azamattyq qoǵamnyń pikirin eskere otyryp mańyzdy strategııalyq problemalardy qaraý; jurtshylyqtyń, saıası partııalardyń, úkimettik emes sektordyń jáne memlekettik organdardyń ókilderi arasynda syndarly dıalogty qamtamasyz etý; óziniń quzyreti sheginde Qazaqstan Respýblıkasynyń zańnamasyna qaıshy kelmeıtin ózge de qyzmetti júzege asyrý bolyp tabylady.

Ulttyq keńestiń quramy belgili memleket jáne qoǵam qaıratkerleriniń, saıası partııalar, úkimettik emes sektor ókilderiniń qatarynan qalyptastyrylady. Qazaqstan Respýblıkasy Prezıdenti Ákimshiliginiń Basshysy, Qazaqstan Respýblıkasyndaǵy Adam quqyqtary jónindegi ýákil, Qazaqstan Respýblıkasyndaǵy Bala quqyqtary jónindegi ýákil, Qazaqstan kásipkerleriniń quqyqtaryn qorǵaý jónindegi ýákil óz laýazymdaryna sáıkes Ulttyq keńestiń quramyna kiredi. Tóraǵanyń sheshimi boıynsha Ulttyq keńeske respýblıkalyq jáne jergilikti deńgeıdegi qoǵamdyq keńesterdiń ókilderi, sondaı-aq ózge de adamdar engizilýi múmkin.

Aıta keterligi, osy jyldyń shilde men tamyz aılarynda Almaty jáne Nur-Sultan qalalarynda Ulttyq keńeske múshelikke engen azamattarmen kezdesý ótkizilgen bolatyn. Sol kezdesýdegi talqylaý barysynda Ulttyq qoǵamdyq senim keńesiniń alǵashqy otyrysynyń aldynda uıymdastyrýshylyq jıyndy ótkizý ýaǵdalastyǵyna qol jetkizildi. Uıymdastyrýshylyq jıyn 28 tamyzda QR Prezıdenti Ákimshiliginiń basshysy, Keńes tóraǵasynyń orynbasary Qyrymbek Kósherbaevtyń basshylyǵymen ótti. Kezdesý jumysyna Ulttyq keńestiń músheleri qatysty. Onyń aıasynda Ulttyq keńes qyzmetiniń baǵyttary men tetikteri, Ulttyq keńestiń birinshi otyrysyn ótkizýge daıyndyq máseleleri talqylanyp, jumys toptary quryldy. Qazaqstan Respýblıkasy Prezıdentiniń 2019 jylǵy 17 shildedegi №63 Jarlyǵymen bekitilgen Qazaqstan Respýblıkasy Prezıdentiniń janyndaǵy Ulttyq qoǵamdyq senim keńesi týraly erejege sáıkes, Ulttyq keńes múshelerine kýálikter tapsyryldy.

Sol kúni QR Prezıdenti Qasym-Jomart Toqaev Ulttyq qoǵamdyq senim keńesiniń múshelerimen birqatar kezdesýler ótkizdi.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT