Prezıdent tóraǵalyǵymen Kaspıı qubyr konsortsıýmynyń 25 jyldyǵyna arnalǵan jıyn bastaldy
2021 jylǵy 16 qarasha 11:01

Prezıdent tóraǵalyǵymen Kaspıı qubyr konsortsıýmynyń 25 jyldyǵyna arnalǵan jıyn bastaldy

NUR-SULTAN. QazAqparat – QR Prezıdenti Qasym-Jomart Toqaevtyń tóraǵalyǵymen Kaspıı qubyr konsortsıýmynyń 25 jyldyǵyna arnalǵan saltanatty jıyn bastaldy, dep habarlaıdy QazAqparat tilshisi.

Alqaly jıyn atalǵan konsortsıýmqa qatysýshy aktsıonerlerdiń shartqa qol qoıýyna 25 jyl tolýyna oraı beınekonferentsııabaılanys formatynda ótip jatyr.

Kaspıı qubyr konsortsıýmy Qazaqstan batysynan, negizinen Teńiz, Qarashyǵanaq jáne Qashaǵan ken oryndarynan Qara teńizdegi Reseıdiń Novorossıısk portyna jaqyn ornalasqan termınaldarǵa munaı jetkizý úshin salyndy.

1 500 shaqyrym bolatyn qubyrmen munaı tasymaldaý 2001 jyly bastaldy. Sol ýaqyttan beri álemdik naryqqa Qazaqstannyń 745 mln tonnadan astam munaıy jetkizildi.

Taıaýda QR Prezıdenti Qasym-Jomart Toqaev XVII Qazaqstan men Reseı óńiraralyq yntymaqtastyq forýmy barysynda munaı óndirý kóleminiń artýyna, jańa ken oryndarynyń ıgerilýine, sonymen qatar munaı óndirý jónindegi birlesken jobalardyń qolǵa alýyna baılanysty Kaspıı qubyr konsortsıýmynyń ótkizý qabiletin arttyryp, ony basqarýda turaqtylyqty qamtamasyz etý mańyzdy ekendigin aıtqan bolatyn.

«Bizdiń kásiporyndarymyz birlesip, álemdik deńgeıdegi ken oryndaryn – Teńiz ben Qarashyǵanaqty ıgerip jatyr. Kaspııdiń qazaqstandyq bóliginde «Jeńis» jáne «Ál-Farabı» teńiz jobalary júzege asyrylyp jatyr. Bul jobalardyń jalpy quny 6,5 mlrd dollardy quraıdy. Buǵan qosa, Hazar teńizinen iri «Qalamqas» ken ornynan ıgerýge kirisemiz. Reseılik taraptan strategııalyq seriktestik aıqyndalǵan. Bul «Lýkoıl» kompanııasy. Jobanyń jalpy quny shamamen 5 mlrd dollardy quraıdy», - degen edi Qasym-Jomart Toqaev.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT