+7 (701) 759 90 19
USD 388.81 EUR 429.01
RUB 6.08 CNY 55.49
Jańalyqtar

Prezıdent Toqaevtyń qytaıshasy tańǵaldyrdy: Qytaı aqparat quraldaryna sholý

2019 jylǵy 13 qyrkúıek 16:03
Bólisińiz:
Prezıdent Toqaevtyń qytaıshasy tańǵaldyrdy: Qytaı aqparat quraldaryna sholý

NUR-SULTAN. QazAqparat - 10-12 qyrkúıekte Qazaqstan Prezıdenti Qasym-Jomart Toqaevtyń Qytaıǵa memlekettik sapary ótti. Memleket basshysynyń Prezıdent laýazymyndaǵy jasaǵan Qytaıǵa alǵashqy sapary mazmunǵa toly boldy. Qytaı Halyq Respýblıkasynyń qurylǵanyna 70 jyl tolýyna oraı QHR Tóraǵasy Sı Tszınpınniń shaqyrýymen uıymdastyrylǵan bul sapardyń barysy men nátıjeleri týraly Qytaıdyń buqaralyq aqparat quraldary da keńinen aqparat taratty. «QazAqparat» HAA Qazaqstan Prezıdentiniń osy sapary týraly kórshi eldiń BAQ-na sholý jasaǵan edi.

Uqsas jańalyqtar
Memleket basshysynyń aptalyq jumysyna beınesholý Qasym-Jomart Toqaev frantsýz saıası qaıratkeri Jak Attalıdi qabyldady Qasym-Jomart Toqaev Vladımır Pýtınge «Abaı joly» romanyn syılady

Aıta keterligi, sapar qarsańynda, naqtyraq aıtqanda 9 qyrkúıekte Qytaıdyń iri telekorporatsııasy CCTV jańalyqtar baǵdarlamasynda Toqaevtyń CCTV tilshisi Shýı Tszýnımen suhbatynyń vıdeosy jarııalanǵan edi .

Osy suhbat jaıynda qytaılyq guancha.cn veb-saıty: «Toqaev kútpegen jerden qytaı tilinde suhbat berdi» dep jazdy.

Al memlekettik sapar týraly jazǵan aqparat agenttikteri Prezıdent Toqaevtyń marshrýtyn mańyzdy dep joǵary baǵalady. Sonyń ishinde Qytaıdyń eń iri memlekettik aqparat agenttigi «Sınhýa» Qazaqstan Prezıdentiniń Qytaıǵa sapary týraly jan-jaqty habarlap otyrdy. Agenttik óziniń jańalyqtar saıtynda Prezıdent Toqaev pen QHR Tóraǵasy Sı Tszınpın jáne basqa qytaı basshylarynyń kezdesýi týraly birqatar aqparat usyndy.

«Tóraǵa Sı Tszınpın 11 qyrkúıekte Qazaqstan Prezıdenti Qasym-Jomart Toqaevpen kelissóz ótkizdi. Memleket basshylary eki taraptyń birlesken damý, yntymaqtastyq jáne ózara tıimdilik rýhynda Qytaı men Qazaqstan arasyndaǵy máńgilik jáne jan-jaqty strategııalyq seriktestikti damytady dep biraýyzdan sheshim qabyldady» dep jazdy aqparat agenttigi.


Budan bólek kóptegen Qytaı BAQ-tarynda «Qazaqstan Prezıdentiniń qytaı tilin jetik bilýi qytaı halqyn tańǵaldyrady» degen taqyryppen maqalalar jarııalandy. Sonymen qatar, ol maqalalarda Prezıdent Toqaevtyń Qytaıda oqyǵan jáne jumys istegen kezeńderi týraly aıtylady.

Qytaıdyń «Global Times» gazeti Qazaqstan Prezıdentiniń Qytaıǵa sapary týraly maqalany «Qazaqstan Prezıdenti: Qazaqstan-Qytaı qarym-qatynasy dıplomatııanyń úlgisi» degen taqyryppen jarııalady.

Global Times gazetindegi maqalada: «Qazaqstan Prezıdenti Qytaı Qazaqstannyń egemendigin jáne aýmaqtyq tutastyǵyn birinshi bolyp moıyndaǵan elderdiń biri, Qazaqstanǵa eshqandaı shartsyz kepildik beretin iri elderdiń biri bolyp tabylady. Sonymen birge, Qazaqstan «birtutas Qytaı» qaǵıdatyn berik qoldaıdy. Eki halyq arasyndaǵy tarıhı baılanys pen ózara túsinistik eki el arasyndaǵy qazirgi zamanǵy qatynastardyń tabysty damýyna negiz boldy» degen joldar bar.

Qytaıdyń «DuoWei News» basylymy: «Prezıdent Toqaev – Qazaq jáne Qytaı halqyna degen tereń sezimi bar áıgili sınolog» dep jazdy.

«Toqaev Qytaıdaǵy Keńes elshiliginde jumys istegen jáne Qazaqstannyń Syrtqy ister mınıstri, Qazaqstan úkimetiniń premer-mınıstri, QR Parlamenti joǵarǵy palatasynyń spıkeri jáne BUU Bas hatshysynyń orynbasary sııaqty mańyzdy laýazymdarda qyzmet etken. Onyń pikirinshe, ejelgi Jibek joly Qazaqstan men Qytaıdy tyǵyz baılanystyrady» deıdi DuoWei News.

Qytaıdyń saıası taldaýlar jasaıtyn taǵy bir tanymal saıty ThePaper.cn óziniń maqalasynda Qytaı men Qazaqstan arasyndaǵy qarym-qatynas úshin Prezıdent Toqaevtyń sapary ótken kún jáne bolashaq úshin mańyzdy bolǵanyn atap ótti.

«Qazirgi ýaqytta Qazaqstan jańa tarıhı kezeńge aıaq basty, jańa múmkindiktermen qatar qıyndyqtarǵa tap bolady. Sonymen birge, Qytaı men Qazaqstan qarym-qatynasynyń jańa dáýiri bastaldy. Osyndaı kezeńdegi osy sapar Qazaqstandaǵy eń joǵarǵy bılik aýysqannan keıin, eki el arasyndaǵy qatynastar qandaı baǵytta damıtynyn naqtylaıdy. Toqaev - Qytaıdy jaqsy biletin kóshbasshy. Ol Prezıdent bolyp saılanǵannan keıin Qytaıǵa degen kózqarasy ózgerdi me, Nazarbaevtyń Qytaıǵa qatysty saıasatyn jalǵastyra ma, osy máseleler qytaılyq sarapshylardyń nazarynda bolady», - dedi ThePaper.cn.

Budan bólek, maqalada sonymen Qazaqstan men Qytaı arasyndaǵy saýda-ekonomıkalyq yntymaqtastyqqa nazar aýdaryldy. Gazettiń jazýynsha, Qytaı-Qazaqstan saýda-ekonomıkalyq yntymaqtastyǵynyń damý qarqyny óte jaqsy.

Qazaqstan Prezıdenti Qasym-Jomart Toqaevtyń Hanchjoýǵa sapary týraly ThePaper.cn : «Toqaev qytaı-qazaqstandyq saýdany ártaraptandyrýǵa úmit artyp otyrǵanyn kórýge bolady. Bul ásirese ınnovatsııa, qazirgi tehnologııalar salasyndaǵy yntymaqtastyq týraly. Sonymen qatar, Qazaqstan Prezıdentiniń bul marshrýty sonyń ishinde aýylsharýashylyq kooperatsııasylarynyń keleshegi Qytaı men Qazaqstan arasyndaǵy saýda-ekonomıkalyq yntymaqtastyq úshin mańyzdy tartý bolady» dep jazdy.


Bizdiń kanalymyzǵa jazylyńyz:

Bólisińiz:

Avtor:

Muhtar Murat

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janat Qapalbaeva
Janat Qapalbaeva
954-059

MURAǴAT