Prezıdent: Táýelsizdik jyldary 1500 jańa kásiporyn iske qosyldy
2021 jylǵy 7 jeltoqsan 11:21

Prezıdent: Táýelsizdik jyldary 1500 jańa kásiporyn iske qosyldy

NUR-SULTAN. QazAqparat –QR Prezıdenti Qasym-Jomart Toqaev «Altyn sapa» syılyǵy jeńimpazdaryn quttyqtady, dep habarlaıdy QazAqparat tilshisi.

«Biz sapalay ónim óndirip, tabysty jumys istep jatqan bıznes ókilderin jyl saıyn marapattaımyz. Sondaı-aq, áleýmettik bastamalardy júzege asyrýǵa barynsha atsalysyp júrgen isker azamattarǵa qurmet kórsetemiz. Sol arqyly jasalǵan eńbek pen shynaıy tabystylyqty dáripteımiz. «Altyn sapa» baıqaýy 15 jyldan beri turaqty ótkizilip keledi. Búginge deıin 150-den astam kompanııa Prezıdent syılyǵynyń ıegeri atandy», - degen Memleket basshysy bıylǵy saltanatty jıyn Táýelsizdiktiń 30 jyldyq mereıtoıymen tuspa-tus kelgenin eske saldy.

«Munyń zor sımvoldyq máni bar. Egemendik kezeńinde Qazaqstanda bıznestiń damýyna jan-jaqty jaǵdaı jasaldy. Sonyń nátıjesinde jańa zamanǵa saı kásipkerler shoǵyry qalyptasty. Olar ulttyq ekonomıkanyń basty qozǵaýshy kúshine aınaldy. Búginde otandyq bıznes elimizdegi ındýstrııalandyrý úderisine zor úles qosýda. Sońǵy 10 jylda óńdeý ónerkásibiniń ekonomıkadaǵy úlesi taý-ken salasynyń kórsetkishinen asyp, 33 paıyzǵa jetti. Búkil elimiz boıynsha 1500 jańa óndiris iske qosyldy. Bul maqsatqa 9 trln teńgeden astam ınvestıtsııa jumsaldy. 820 myńnan astam turaqty jumys orny ashyldy. Byltyr óńdeý ónerkásibiniń eksporty úsh ese ósip, 15,4 mlrd dollarǵa jetti. Qazaqstanda óńdelgen ónimder búginde 131 memleketke eksporttalady», - dedi Prezıdent.


Jańalyqtar

Úrdis

MURAǴAT