+7 (701) 759 90 19
USD 422.87 EUR 512.1
RUB 5.63 CNY 64.49
Jańalyqtar

Prezıdent tártip saqshylarynyń eńbekaqysyn 30 paıyzǵa kóterýdi tapsyrdy

2020 jylǵy 29 qazan 15:38
Bólisińiz:
Prezıdent tártip saqshylarynyń eńbekaqysyn 30 paıyzǵa kóterýdi tapsyrdy

NUR-SULTAN. QazAqparat – Іshki ister organdarynyń qyzmetkerlerine syıaqy tóleýge jyl sońyna deıin taǵy da 11,5 mıllıard teńge beriledi. Bul týraly Іshki ister mınıstrliginiń keńeıtilgen alqa májilisinde Memleket basshysy Qasym-Jomart Toqaev málim etti, dep habarlaıdy QazAqparat tilshisi.

Vedomstvonyń alqa májilisinde Qasym-Jomart Toqaev ishki ister salasy qyzmetkerleriniń eńbekaqysy tómen ekenin aıtty. Bul kópten beri qordalanǵan máselelerdi biri. Osyǵan oraı ol Úkimetke 3 jyldyń ishinde tártip saqshylarynyń eńbekaqysyn 30 paıyzǵa kóterý týraly tapsyrma berdi.

Prezıdent barlyq memlekettik basqarý júıesine úlken synaq bolǵan COVID-19 pandemııasy kezinde polıtsııa qyzmetkerleriniń erekshe eńbegin atap ótti.

«Qazirgi jaǵdaıda dárigerlermen qatar alǵy shepte polıtsııa qyzmetkerleri de júr. Óıtkeni azamattardyń qaýipsizdigi ǵana emes, olardyń densaýlyǵy men berekeli ómiri sizderdiń jumystaryńyzǵa tikeleı baılanysty. Sondyqtan búgingideı kúrdeli jaǵdaıda memleket indetke qarsy turǵandardyń barlyǵyn qoldaıdy. Meniń tapsyrmam boıynsha pandemııanyń birinshi kezeńinde karantın sharalaryn qamtamasyz etýge qatysqan ishki ister organdarynyń qyzmetkerlerine syıaqy tóleýge 6,6 mıllıard teńge bólindi. Jyl sońyna deıin taǵy da 11,5 mıllıard teńge beriledi», – dedi Memleket basshysy.

Prezıdent sóz sońynda joǵaryda atalǵan mindetterdi tolyq oryndaý qajet ekenin aıtyp, ІІM bul jumysty abyroımen atqaratynyna senim bildirdi.

Budan buryn habarlanǵandaı, alqa májilisinde Prezıdent Qazaqstan Táýelsizdiginiń 30 jyldyǵyna oraı, zańǵa sáıkes, azamattarǵa jáne jalpy memleketke qaýip keltirmeıtin qylmys jasaǵan adamdarǵa amnıstııa jasalatynyn jetkizdi.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Pikir qaldyrý
+7
Jiberý
Sondaı-aq... oqyńyz
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Úmbet Sholpan
Úmbet Sholpan
954-059

MURAǴAT