+7 (701) 759 90 19 Lenta
USD 385.96 EUR 423.78
RUB 6.03 CNY 54.16
Jańalyqtar

Prezıdent tapsyrmasynan keıin Marqakólde brakonerler ustalyp, qamaýǵa alyndy

2019 jylǵy 21 tamyz 13:59
Bólisińiz:
Prezıdent tapsyrmasynan keıin Marqakólde brakonerler ustalyp, qamaýǵa alyndy

NUR-SULTAN. QazAqparat – QR Іshki ister mınıstrligi Shyǵys Qazaqstan oblysynyń Marqakól kólinde zańsyz balyq aýlap kelgen qylmystyq topty ustaý boıynsha arnaıy operatsııa ótkizdi. Bul týraly mınıstrliktiń baspasóz qyzmetinen málim etti, dep habarlaıdy QazAqparat.

Uqsas jańalyqtar

«Memleket basshysy Qasym-Jomart Toqaevtyń tapsyrmasyn oryndaý maqsatynda Іshki ister mınıstrligi Shyǵys Qazaqstan oblysyndaǵy Marqakól kóliniń aýmaǵynda uzaq ýaqyt boıy brakonerlikpen jáne maıqan balyǵy ýyldyryǵynyń zańsyz aınalymymen aınalysqan qylmystyq toptyń krımınaldyq is-áreketiniń jolyn kesý boıynsha arnaıy operatsııa ótkizdi. Nátıjesinde, «Marqakól memlekettik tabıǵı qoryǵy» respýblıkalyq memlekettik mekemesi qyzmetkerleriniń jáne balyq resýrstaryn zańsyz aýlaýǵa, satýǵa qatysy bar basqa da adamdardyń brakonerlik áreketteri áshkerelendi. Olar atalǵan aıyryqsha qorǵalatyn nysanda quqyqtyq tártipti qamtamasyz etýdiń ornyna ózderi zańsyz áreketterge barǵan», - dedi vedomstvodan.

Málim etilgendeı, ýyldyryqty ótkizýdiń negizgi arnasy joıyldy, uıymdastyrýshylary ustalyp, qamaýǵa alyndy. Maıqan balyǵyn brakonerlik jolmen aýlaýǵa, satýǵa qatysy bar ózge de adamdardy anyqtap, ustaý boıynsha jedel-tergeý sharalary júrgizilýde.

«Júrgizilgen jedel-izdestirý sharalary nátıjesinde 90 lıtr ýyldyryq, myńnan astam zańsyz aýlanǵan maıqan balyǵy, sondaı-aq 3 mln 800 teńge somasynda aqshalaı qarajat, balyq aýlaıtyn torlar, ratsııa jáne tirkelmegen pıstolet alyndy. Tergeý barysynda atalǵan kezeńde Marqakól kólinen bir tonnadan astammaıqan balyǵy zańsyz aýlanǵany anyqtaldy. Ýyldyryqty alǵannan keıin qylmyskerler balyqty kúzetiletin aımaqtaǵy jerge kómip ketken. Buryn toqtatylǵan 4 qylmystyq is óndirispen qaıta jańǵyrtyldy. Osy ister boıynsha 22 mln teńgeden astam qarjyny quraıtyn 4 tonna maıqan balyǵy alyndy», - dedi ІІM-nen.

Qazirgi ýaqytta tıisti saraptamalar taǵaıyndaldy. Sonyń negizinde tabıǵı qoryqtyń qorshaǵan ortasyna keltirilgen ekologııalyq zalal anyqtaltyn bolady.

Sondaı-aq, ІІM atalǵan aımaqtyń brakonerlikpen baılanysty problemalyq máselelerin qarastyrýda.

Eske salsaq, Memleket basshysy Qasym-Jomart Toqaev Shyǵys Qazaqstan oblysynyń Marqakól kólinde zańsyz balyq aýlap júrgen qylmystyq toppen kúresýdi tapsyrǵan bolatyn.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT