+7 (701) 759 90 19
USD 425.48 EUR 494.2
RUB 6.14 CNY 66.67
Jańalyqtar

Prezıdent tapsyrmasy: Semeıde jyl sońyna deıin 2 mektep boı kóteredi

2021 jylǵy 17 qyrkúıek 22:36
Bólisińiz:
Prezıdent tapsyrmasy: Semeıde jyl sońyna deıin 2 mektep boı kóteredi

SEMEI. QazAqparat – Semeı qalasynda jyl sońyna deıin 2 mektep salynady, dep habarlaıdy QazAqparat tilshisi.

«Memleket basshysy Qasym-Jomart Toqaev bıylǵy Joldaýynda 2025 jyldyń sońyna deıin Qazaqstanda 1000 mektep salýǵa tapsyrma berdi. Osyǵan oraı, Semeıdi damytýdyń 2020-2025 jyldarǵa arnalǵan keshendi josparyn júzege asyrý sheńberinde bıyl eki jańa mektep ashylady. Stepnoı jáne Shyǵys kentterinde oryn tebetin bilim ordalary 300 jáne 1200 orynǵa arnalǵan», - dedi qala ákimi Baqytjan Baıahmetov.

Onyń aıtýynsha, aldaǵy jyldary shaharda 3000 oryndyq 3 mektep salý josparlanyp otyr. Olardyń ekeýi Qaraǵaıly yqsham aýdanynda, bireýi Vodnyı kentinde boı kóteredi.

«Balalardy mektepke deıingi tárbıemen qamtý úshin memlekettik-jekeshelik seriktestik aıasynda 1100 orynǵa arnalǵan 4 balabaqsha salynady. Búgingi tańda Semeıde mektepke deıingi mekemelerde 2-den 3 jasqa deıingi 3 189 búldirshin kezekte tur. Jańa balabaqshalar kezektegilerdi tolyqtaı qamtıdy», - dedi shahar basshysy.



Bizdiń kanalymyzǵa jazylyńyz:

Bólisińiz:

Avtor:

Talǵatjan Muhametbekuly

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT