Prezıdent tapsyrmasy: PTR test tapsyrý baǵasy arzandady

NUR-SULTAN. QazAqparat - «INVIVO» jáne «Olımp» zerthanalarynda PTR-testileý qyzmetiniń baǵasy 9000 teńgege deıin arzandady. Bul týraly Básekelestikti qorǵaý jónindegi agenttiktiń baspasóz qyzmeti habarlady.

Agenttik baspasóz qyzmetiniń málimdeýinshe, klınıkalyq-dıagnostıkalyq zerthanalarmen antımonopolııalyq komplaens aktisine qol qoıylǵan, zerthanalar baǵalardy óz erkimen tómendetken.

Eske salsaq, buǵan deıin Densaýlyq saqtaý mınıstri Alekseı Tsoı PTR test arzandaǵannan keıin qandaı somada bolatynyn aıtqan edi.

«Qazirgi kezde boljamdy túrde 11 myń teńgeden 8 900-ge deıin tómendeýi tıis. Bul baǵytta tıisti esep-qısap júrgizilýde. Qajetti qadamdardy saladaǵy qaýymdastyqtarmen, «Atameken» UKP-pen pysyqtap jatyrmyz», - dedi Alekseı Tsoı.