+7 (701) 759 90 19
USD 443.50 EUR 479.47
RUB 5.79 CNY 62.51
Jańalyqtar

Prezıdent tapsyrmasy: Mınıstrlik beıbit jıyndar týraly jańa zań jobasyn tanystyrdy

2020 jylǵy 12 aqpan 18:00
Bólisińiz:
Prezıdent tapsyrmasy: Mınıstrlik beıbit jıyndar týraly jańa zań jobasyn tanystyrdy

NUR-SULTAN. QazAqparat – QR Aqparat jáne qoǵamdyq damý vıtse-mınıstri Danııar Esın Ádilet mınıstrliginde ótken vedomstvoaralyq komıssııa otyrysynda «Qazaqstan Respýblıkasynda beıbit jıyndardy uıymdastyrý jáne ótkizý tártibi» týraly zań jobasynyń tujyrymyn tanystyrdy, dep habarlaıdy QazAqparat tilshisi.

Uqsas jańalyqtar
Qazaqstan Eýrazııa ekonomıkalyq odaǵyna qatysty birqatar sharttardy ratıfıkatsııalady Aqmolalyqtarǵa tótenshe jaǵdaı kezinde memlekettik qyzmetterdi alý joldary túsindirildi Qazaqstanda Sotsıalıstik Eńbek Eri ataǵy úshin beriletin járdemaqy mólsheri artady

«Biz usynyp otyrǵan zań jobasy – 1995 jyly Qazaqstanda qabyldanǵan zańdy almastyrǵaly otyrǵan jańa qujat. 1995 jyly baptardyń formatynyń sany 12 bolsa, jańa zańda 21 bap qarastyrylyp otyr. Birinshiden, beıbit jıyndardyń zańnamalyq bazalyq qaǵıdattaryn engizbekpiz. Ekinshiden zań jobasyna anyqtamalyq apparat engiziledi. Sonymen qatar, zańda beıbit jıyndy uıymdastyrýshylardyń, qatysýshylardyń, jýrnalısterdiń mártebesi, mindeti men quqyǵy aıqyndalady. Sondaı-aq zańǵa memlekettik organdardyń quzyreti engizilip, beıbit jıyn ótkizýge bolatyn oryndar belgilenedi. Pıket, mıtıng, jıynǵa arnaıy oryndarda 250 adamnan az halyq qatysqan jaǵdaıda – beıbit jıyndy ótkizýdiń habarlandyrý tártibi engiziledi», - dedi vedomstvoaralyq komıssııadan keıin tilshilerdiń suraǵyna jaýap bergen Danııar Esın.

Vıtse-mınıstrdiń aıtýyna qaraǵanda, osy aıtylǵandarmen qosa reglamenttik tártip te engiziledi.

«Al eger demonstratsııa, mıtıng, sherýge qatysýshylardyń sany 250 adamnan assa – beıbit jıyn ótkizý úshin ruqsat alý kerek bolady. Sondaı-aq habarlandyrý men ótinimdi qaraýdyń naqty mehanızmi bekitiledi. Beıbit jıyn ótkizýdiń nasıhat ınstıtýty engiziledi. Sondaı-aq, beıbit jıyn ótkizýden bas tartylatyn negizdemelerdiń tizimi daıyndalady», - dedi ol.

Osyǵan deıin beıbit jınalystar týraly zań jobasynyń tujyrymdamasy qoǵam talqysyna shyǵarylǵandyǵyn jazǵan bolatynbyz.

Aıta keteıik, Prezıdent Q.Toqaev 2019 jyldyń qyrkúıeginde halyqqa jarııalaǵan Joldaýynda mıtıngter týraly zańnamany jetildirý qajettigin atap ótken bolatyn. «Konstıtýtsııaǵa sáıkes azamattarymyzdyń óz oıyn erkin aıtýǵa quqyǵy bar. Eger beıbit aktsııalar zańnyń sheńberinen shyqpaıtyn jáne azamattarymyzdyń tynyshtyǵyn buzbaıtyn bolsa, buǵan túsinistikpen qarap, jıyndardy ótkizý úshin arnaıy oryn bólý qajet. Mundaı oryndar qalanyń shetinde bolmaýy tıis. Alaıda, zańǵa qaıshy jáne buzaqylyq áreketterge shaqyratyn úndeýlerge zań sheńberinde tosqaýyl qoıylady», - degen edi Memleket basshysy.

Al 2019 jyldyń jeltoqsanynda ótken Ulttyq qoǵamdyq senim keńesiniń 2-otyrysynda Qazaqstan Prezıdenti elimizde mıtıngterdi uıymdastyrýdyń aldyn ala eskertý prıntsıpin engizý kerektigin málimdedi.

«Mıtıngterdi uıymdastyrýdyń eskertý prıntsıpin engizýge kirisý kerek. Mıtıngterdi ótkizýge bolady, eger de olar zańdy, qoǵamdyq tártipti buzbasa jáne azamattardyń tynyshtyǵyna kedergi keltirmese. Bul - meniń túbegeıli ustanymym», - dedi Q. Toqaev.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT