+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

Prezıdent tapsyrmasy: Maskattan Almaty men Nur-Sultanǵa áýe reısteri ashylady

2019 jylǵy 9 qazan 12:34
Bólisińiz:
Prezıdent tapsyrmasy: Maskattan Almaty men Nur-Sultanǵa áýe reısteri ashylady

NUR-SULTAN. QazAqparat – Oman memleketiniń «Salam Air» áýe kompanııasy el astanasy Maskattan Almatyǵa jáne Nur-Sultanǵa reıster ashady, dep habarlaıdy QazAqparat tilshisi QR Indýstrııa jáne ınfraqurylymdyq damý mınıstrligi Azamattyq avıatsııa komıtetine silteme jasap.

QR Prezıdentiniń halyqaralyq reıster sanyn kóbeıtý jónindegi tapsyrmasyna sáıkes, Qazaqstan Respýblıkasy men Oman Sultanatynyń avıatsııalyq bıligi arasynda ekijaqty kelissóz júrgizilgen. Qazaqstandyq delegatsııaǵa QR IIDM Azamattyq avıatsııa komıtetiniń tóraǵasy Talǵat Lastaev, al Oman delegatsııasyna Oman Sultanatynyń Kólik jáne kommýnıkatsııalar mınıstrligi Áýe kóligi departamentiniń dırektory Salım ál-Hýsseını basshylyq etken.

«Kelissózder nátıjeleri boıynsha áýe reısteri úshin quqyqtyq baza quryldy. Oǵan sáıkes, eki eldiń taǵaıyndalǵan tasymaldaýshylaryna aptasyna 14 jolaýshy jáne 14 josparlanǵan júk reısin oryndaý quqyǵy berildi. Osy negizde, kelesi jyldyń naýryz aıynda omandyq «Salam Air» áýe akompanııasy «Almaty – Maskat» (Oman astanasy) baǵyty boıynsha aptasyna 7 ret reıs jasaıtyn ushaq ushyrady. Sondaı-aq, kelesi jyldyń kúzinen bastap joǵaryda atalǵan Oman áýe akompanııasy «Nur-Sultan-Maskat» baǵyty boıynsha áýe qatynasyn jolǵa qoımaq», - delingen habarlamada.

Bul jumys Oman Sultanaty azamattarynyń Qazaqstan Respýblıkasynda 30 kún vızasyz bolý tártibiniń engizilýimen (2019 jyldyń 30 qyrkúıeginen bastap kúshine engen) bir mezgilde júrgizilýde.

Atap ótilgendeı, eki el arasynda tikeleı reısterdiń ashylýy, sondaı-aq Qazaqstanda engizilgen vızasyz rejim jáne qolaıly klımattyq jaǵdaılar Oman Sultanaty azamattaryna týrıst retinde Qazaqstanǵa kelýine jol ashady.

Sonymen birge, Oman tarapy óz kezeginde Qazaqstan Respýblıkasynyń azamattary úshin vızasyz rejimdi engizýdi qarastyryp jatyr.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT