+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Prezıdent tapsyrmasy: Qazaqstandyqtar 356,4 mlrd teńge zeınetaqysyn baspanaǵa jumsady

2021 jylǵy 8 maýsym 10:26
Bólisińiz:
Prezıdent tapsyrmasy: Qazaqstandyqtar 356,4 mlrd teńge zeınetaqysyn baspanaǵa jumsady

NUR-SULTAN. QazAqparat – 16 myńnan astam qazaqstandyq zeınetaqy jınaǵyn paıdalaný arqyly 62 mlrd teńgeden astam turǵyn úı qaryzyn tolyǵymen ótedi, dep habarlaıdy QazAqparat.

Uqsas jańalyqtar
Turǵyn úı kooperatıvteriniń qyzmetin qatań reglamentteý qajet – Májilis depýtaty Halyqty baspanamen qamtýda alǵa shyqqan úsh óńir belgili boldy Almatyda jyl sońyna deıin 2,6 mln sharshy metr turǵyn úı paıdalanýǵa beriledi

QR Prezıdentiniń baspasóz hatshysy Berik Ýálı Memleket basshysy Qasym-Jomart Toqaevtyń turǵyn úı jaǵdaıyn jaqsartý úshin zeınetaqy jınaqtaryn paıdalanýǵa berý jónindegi tapsyrmasynyń oryndalýy týraly aralyq nátıjelerdi usyndy.

Atap aıtqanda, búginge deıin 16 075 qaryz alýshy buǵan deıin bankterden turǵyn úıleri úshin alǵan jalpy somasy 62 mıllıard 41 mıllıon teńge ıpotekalyq qaryzyn tolyq ótedi.

47 133 qaryz alýshy jalpy somasy 144 mıllıard 53 mıllıon teńge bolatyn turǵyn úı ıpotekalyq qaryzdarynyń bir bóligin óteý úshin birjolǵy zeınetaqy tólem júıesin paıdalandy.

8 889 qaryz alýshy bankterden jalpy somasy 150 mıllıard 361 mıllıon teńge bolatyn turǵyn úı ıpotekalyq qaryzdaryn alý úshin alǵashqy jarna retinde birjolǵy zeınetaqy tólemi qarajatyn paıdalandy.

Bankter boıynsha eń kóp qaryz alýshy «Otbasy Bank» aktsıonerlik qoǵamynda tirkelgen. Olardyń jalpy sany – 37 228. Birjolǵy zeınetaqy tólemin paıdalaný arqyly turǵyn úı qurylys jınaqtary júıesi boıynsha berilgen jańa turǵyn úı ıpotekalyq qaryzdarynyń mólsheri – 125 mıllıard 29 mıllıon teńge.

«Sberbank» AQ EB – qaryz alýshylar sany boıynsha ekinshi orynda. Olardyń jalpy sany – 11 483. Odan keıin «Qazaqstannyń Halyq banki» aktsıonerlik qoǵamynan – 9 488 jáne «Bank Tsentr Kredıt» aktsıonerlik qoǵamynan – 8 432 adam qaryz alǵan. Atalǵan bankterden birjolǵy zeınetaqy tólemin paıdalaný arqyly jańadan alynǵan turǵyn úı ıpotekalyq qaryzdarynyń mólsheri – 23 mıllıard 167 mıllıon teńge.




Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT