Prezıdent tapsyrmasy: Qarý, oq-dárini urlaǵan 55 adamnyń jazasy jeńildedi
2022 jylǵy 30 maýsym 17:37

Prezıdent tapsyrmasy: Qarý, oq-dárini urlaǵan 55 adamnyń jazasy jeńildedi

NUR-SULTAN. QazAqparat – Qańtar oqıǵasyna qatysqan 55 adamǵa jeńil jaza taǵaıyndaldy. Bul týraly QR Bas prokýratýrasy 1-qyzmet bastyǵynyń orynbasary Eldos Qılymjanov aıtty, dep habarlaıdy QazAqparat tilshisi.

«Memleket basshysynyń aýyrlatatyn mán-jaılar bolmaǵan kezde jazany jeńildetý jónindegi tapsyrmasyn oryndaý maqsatynda prokýrorlar sottardy bas bostandyǵynan aıyrýǵa baılanysty emes jazalardy taǵaıyndaýǵa baǵyttaýda. Sondaı-aq protsestik kelisim ınstıtýty keńinen qoldanylýda. Bul rásiminiń erekshelikterine jáne olardyń sotta qaralý tártibine toqtalsam, kúdikti aıyptaýǵa, dáleldemelerge, keltirilgen zalalmen daýlaspaǵan kezde jáne jazanyń túri men mólsherimen kelisken jaǵdaıda onymen kináni moıyndaý týraly kelisim jasalady. Mundaı ister sotta 10 táýlikten aspaıtyn merzimde qaralady jáne jaza osy baptyń sanktsııasyndaǵy eń joǵary merzimniń jartysynan aspaıdy», - dedi ol Ortalyq kommýnıkatsııalar qyzmetindegi brıfıng barysynda.

Onyń atap ótýinshe, bul rásim sotta isterdiń tezirek qaralýyna múmkindik beredi. Sottalýshylarǵa standartty formattaǵy isterge qaraǵanda sot protsesine uzaq ýaqyt qatysýdyń qajettiligi joq. Qyzylorda oblysynda 42 qylmyskerge qatysty ister kináni moıyndaý týraly protsestik kelisim jasaý arqyly sotqa joldandy. Olardyń sońynan atalǵan rásim aıasynda Almaty oblysynda 15 adamǵa qatysty qoldanyldy. Aqtóbede – 3, Jambylda – 8 jáne Shyǵys Qazaqstan oblysynda 3 adamǵa qatysty ister sotqa jiberildi.

«Qaraý nátıjesinde 55 adamǵa qatysty úkimder qabyldanyp, olar boıynsha bas bostandyǵynan aıyrýǵa baılanysty emes jazalar taǵaıyndaldy. Mysaly, Taldyqorǵan qalasynyń turǵyny «Glock» qarýly pıstoletin, oǵan oq-dárilerdi jáne 5 jaryq-dybys granatalaryn urlaǵan. Atalǵan azamat óz kinásin moıyndady jáne jasaǵan isine ókindi. Sondaı-aq tergeý barysynda qylmystyq qýdalaý organyna kómek kórsetti. Osy mán-jaılardy eskerip, oǵan 3 jyl 6 aı merzimge shartty jaza taǵaıyndaldy», - dedi Bas prokýratýra ókili.


Seriktester jańalyqtary

Jańalyqtar

Úrdis

MURAǴAT