+7 (701) 759 90 19
USD 421.91 EUR 511.57
RUB 5.59 CNY 65.2
Jańalyqtar

Prezıdent tapsyrmasy: ІІM esirtkige qarsy kúresti qalaı kúsheıtip jatyr

2020 jylǵy 9 qarasha 13:39
Bólisińiz:
Prezıdent tapsyrmasy: ІІM esirtkige qarsy kúresti qalaı kúsheıtip jatyr

NUR-SULTAN. QazAqparat – QR ІІM esirtki qylmysyna qarsy is - qımyl departamentiniń bastyǵy Tilegen Matkenov Memleket basshysynyń esirtki saýdasyna qarsy kúresti kúsheıtý mindeti qalaı oryndalyp jatqanyn aıtyp berdi, dep habarlaıdy QazAqparat tilshisi.

«ІІM kollegııasynyń otyrysynda Memleket basshysy esirtki saýdasyna qarsy kúresti kúsheıtý mindetin qoıǵan bolatyn. Ásirese bul rette esirtkini jarnamalaý faktilerine erekshe nazar aýdarylǵan. Bul baǵyttaǵy jumys jalǵasyp kele jatqanyn atap ótkim keledi. Zańnamalyq baza qaıta qaralyp, jańa psıhıkalyq belsendi zattardyń esepke tirkeý tártibi jeńildetildi. Esirtki saýdasynyń qazirgi tegeýrinine jaýap beretin qylmystyq isterdiń jańa quramy engizildi. Bul rette eń aldymen ınternet arqyly ony ótkizý qylmysyna basa nazar aýdarylyp otyr. Budan bylaı bul qylmystar aýyr jáne asa aýyr qylmystardyń qataryna jatady. Ony jasaǵan adam uzaq merzimge bas bostandyǵynan, tipti ómir boıy bas bostandyǵynan aıyrylady», - dedi Tilegen Matkenov ІІM-niń onlaın baspasóz máslıhatynda.

Onyń aıtýynsha esirtkini jarnamalaý boıynsha 64 qylmystyń beti ashylǵan. Sondaı-aq onyń ishinde ınternet arqyly esirtki ótkizýdiń 39 jaǵdaıy anyqtalǵan. Bul fakttar boıynsha 41 qylmystyq is sotqa joldanǵan.

«Búgingi tańda Joǵarǵy sotpen birlese otyryp, biz Normatıvti qaýly jobasyn ázirlep jatyrmyz. Ol qylmystyq isterdi tergeýde biryńǵaı amaldy qoldaný boınysha quqyqtyq praktıkany túsindirýge múmkindik beredi. Osy jumystardyń aıasynda jyl sońyna deıin psıhıkalyq belsendi zattar men prekýrsorlardyń taǵy jańa 32 túrin memlekettik baqylaýǵa engizý boıynsha Úkimet qaýlysy qabyldanady. Sonymen qatar osy aıda belgisiz qoldanýshylardyń paıdasyna aqsha aýdarmasyn júrgizýge tyıym salýǵa týraly Ulttyq bankpen birge birlesken normalar kúshine enedi», - dedi ol.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT