+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Prezıdent tapsyrmasy: Grant bólýde alǵash ret áleýmettik osal toptarǵa kvota qarastyrylǵan

2021 jylǵy 8 shilde 15:45
Bólisińiz:
Prezıdent tapsyrmasy: Grant bólýde alǵash ret áleýmettik osal toptarǵa kvota qarastyrylǵan

NUR-SULTAN. QazAqparat - Bilim jáne ǵylym mınıstrligi 2021-2022 oqý jylyna bilim granttaryn bólý kezinde halyqtyń áleýmettik osal toptaryna kvotalar bóldi, dep habarlaıdy QazAqparat Bilim jáne ǵylym mınıstrligine silteme jasap.

Vedomstvo baspasóz qyzmetiniń málimetinshe, Prezıdenttiń tapsyrmasyna sáıkes bul shara alǵash ret qarastyrylǵan.

Endi kópbalaly nemese tolyq emes otbasylardan shyqqan balalar, sondaı-aq erekshe qajettilikteri bar balalardy tárbıelep otyrǵan otbasylardaǵy talapkerlerdiń grant alý múmkindigi joǵarylaı tústi.

«Bilim jáne ǵylym mınıstrligi Prezıdenttiń tapsyrmasy boıynsha halyqtyń áleýmettik osal toptarynan shyqqan balalardyń memleket esebinen bilim alýyna múmkindiktiń kóbirek bolýy úshin jumys júrgizdi. Kámeletke tolmaǵan tórt jáne odan kóp bala tárbıelep otyrǵan otbasylardaǵy balalar úshin granttardyń jalpy sanynyń 5%-y, keminde úsh jyl tolyq emes otbasy mártebesi bar otbasylardan shyqqan balalarǵa – 1%, І, ІІ toptaǵy múgedek balalardy tárbıelep otyrǵan otbasylardan shyqqan túlekterge bilim berý granttarynyń 1%-y kózdelgen. Bul rette olardyń UBT nátıjeleri shekti balǵa sáıkes kelýi tıis», – dep habarlady Bilim jáne ǵylym vıtse-mınıstri Qýanysh Erǵalıev.

Sonymen qatar kvota sheńberindegi granttar jetim balalar men etnıkalyq dıaspora ókilderi úshin de bólingen. Osylaısha, azamattardyń áleýmettik osal sanattaryndaǵy talapkerler bilim berý granttaryn berý kezinde basymdyqqa ıe bolady. Máselen, eger pedagogıka mamandyqtaryna 8 myńǵa jýyq bilim granty bólinse, onyń ishinde 1 063 grant halyqtyń áleýmettik osal toptaryndaǵy azamattar úshin kózdelgen.

Ulttyq qoǵamdyq senim keńesiniń úshinshi otyrysynda QR Prezıdenti Qasym-Jomart Toqaev memlekettik bilim granttaryn bólý júıesinde aýqymdy áleýmettik quramdy qarastyrý kerektigin jáne talapkerdiń akademııalyq jetistikterine ǵana emes, sondaı-aq onyń áleýmettik-ekonomıkalyq mártebesine de nazar aýdarýdy tapsyrǵanyn aıta ketken jón.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT