Prezıdent tapsyrmasy: BQO-da sýarmaly jer alqabyn 44 myń gektarǵa arttyrý kózdelýde
2022 jylǵy 21 maýsym 19:42

Prezıdent tapsyrmasy: BQO-da sýarmaly jer alqabyn 44 myń gektarǵa arttyrý kózdelýde

ORAL. QazAqparat – Batys Qazaqstan oblysynda bes jylda sýarmaly jer alqabyn 44 myń gektarǵa arttyrý kózdelýde, dep habarlaıdy QazAqparat tilshisi.

Oblys ákimi Ǵalı Esqalıevtiń aıtýynsha, Memleket basshysynyń sýarmaly jerlerdi ulǵaıtý jónindegi tapsyrmasyna sáıkes jol kartasy bekitildi.

«Bıyl 5 061 ga sýarmaly jerdi qoldanysqa engizý josparlanyp otyr. Batys Qazaqstan oblysy artyqshylyqtarynyń biri – taza ekologııa. Osy artyqshylyqty ári qaraı damytý úshin biz jyl saıyn aýany tazartýǵa baılanysty jańa jobalardy engizemiz. Mysaly, byltyr plastık qubyrlardy, polıstıroldan jasalǵan qaptardy jáne tamaq qaldyqtaryn óńdeýdi bastadyq», dedi óńir basshysy.

Ǵ.Esqalıevtiń sózine qaraǵanda, sondaı-aq oblys halqynyń kartop, pııaz, qyryqqabat, sábizge qajettilikterin tolyq qanaǵattandyrý maqsatynda «Jasyl beldeý» jobasy boıynsha daqyldardyń alqaby 40 paıyzǵa deıin ulǵaıady.

Atalǵan jobada kókónis qoımalarynyń syıymdylyǵyn arttyrý da josparlanǵan. Byltyr 6 myń tonna quraıtyn 3 qoıma salynsa, bıyl 13 myń tonnalyq 4 kókónis qoımasy turǵyzylmaq.

Sol sekildi sút jáne sút ónimderiniń ımportyna táýeldilikti tómendetý maqsatynda «Sút beldeý» jobasy boıynsha byltyr sút óndirisi kólemi 3,1 myń tonnaǵa artsa, bıyl qosymsha 5 myń tonnaǵa kóbeımekshi.

«Osy jumystar óńir turǵyndaryn azyq-túlikpen qamtamasyz etýge jáne baǵany turaqtandyrýǵa óz septigin tıgizetin bolady», dedi ákim.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT